Áleýmettik jelide belgııalyq otbasy asyrap alǵan 21 jastaǵy Eddı Jan Qazaqstandaǵy týǵan ata-anasyn izdep júrgenine birshama ýaqyttyń júzi bolǵan, dep habarlaıdy Egemen.kz.
Oǵan dúnıege kelgende Jánibek degen esim de berilgen. Tanymal telejúrgizýshi, "barmysyń, baýyrym" jobasynyń redaktory Qymbat Dosjan balanyń oqıǵasyna qatysty taǵy bir jańa derek bólisti.
Onyń aıtýynsha, endi baǵdarlama qyzmetkerleri Jánibektiń ákesin izdemek.
- Dostar, Jánibek balam jaıly sońǵy aqparat. Astana-Stambýl-Barselona-Malorka-Malaga baǵytyna shyqqan Túrkish ushaǵy Astanadan keshigip ushyp, Jánibek qalǵan reısterdiń bárinen keshigip qalǵan, biraq, balamyz ózi aıtqandaı, joly bolǵysh bala eken, túrik avıakompanııasy - úsh ret ushaq aýystyryp jetetin jerine bir ǵana ushaqpen jetetindeı etip jaǵdaı jasap, tamaǵyn berip, Stambuldan Malagaǵa bir aq jetetin etip bıletin aýystyryp bergen. Adamǵa adam sekildi qaraǵan túrik aǵaıynǵa myń alǵys! Balamyzdyń anasy, nemese ákesi (endi ákesin izdeımiz dep naqty sheshim qabyldap otyrmyz) osylaısha tez tabylsa eken dep tileımin. Balany Ár kórgen saıyn, sóılesken saıyn "tegi jaqsy, tipti myqty tekten" ekendigine kóz jetkizemiz Ásel ekeýmiz, - dep jazdy jýrnalıst.