Qazaqstan seısmologtary Qytaı aýmaǵynda eki ret jer silkinisin tirkedi, dep habarlaıdy Egemen.kz.
Tótenshe jaǵdaılar mınıstrligine qarasty «Seısmologııalyq baıqaý jáne zertteýler ulttyq ǵylymı ortalyǵy» 5 naýryzda Almaty ýaqyty boıynsha saǵat 04:44-te jer silkinisin tirkedi. Jer silkinisiniń oshaǵy Almatydan soltústik-shyǵysqa qaraı 406 shaqyrym jerde Qytaı aýmaǵynda ornalasqan. Jer silkinisiniń energetıkalyq klasy - 10.4. Magnıtýdasy - 4.9. Tereńdigi - 10 km. Qazaqstan aýmaǵynda jer silkinisi sezilmedi.
Ekinshi jerasty dúmpýi 5 naýryzda Almaty ýaqytymen 06:29-da tirkeldi. Onyń oshaǵy Qytaıdyń ońtústik astanasynan ońtústik-shyǵysqa qaraı 282 shaqyrym jerde ornalasqan. Jer silkinisiniń energetıkalyq klasy - 10.4. Magnıtýdasy - 4.4. Tereńdigi - 10 km. Qazaqstan aýmaǵynda jer silkinisi sezilmedi.
Aıta keteıik, keshe 4 naýryz kúni saǵat 11:22-de Almaty qalasynda jer silkinisi tirkeldi. Zilzalanyń oshaǵy Almatydan ońtústikke qaraı 31 shaqyrym jerde ornalasty. Qala turǵyndary saǵat 16.00-ge deıin qoǵamdyq qabyldaý oryndarynda boldy. Mektepter men kolledjderdegi sabaqtar toqtatylyp, balabaqshalar balalardy alyp ketýdi talap etti.