Almaty qalasynyń oqýshylary robottehnıka boıynsha eń iri jarystardyń biri – «Central Asia FIRST Tech Championship» chempıonatynan oljaly oraldy. Astanadaǵy ál-Farabı atyndaǵy oqýshylar saraıynda ótken aqyl-oı dodasyna Qazaqstannyń ár óńirinen
Osy jarysta Almaty qalasynyń namysyn qorǵaǵan oqýshylar biraz júldeni jeńip aldy. №124 mekteptiń «Team 124» komandasy «Winning Alliance 2nd pick» jáne «think award 2st place» atalymdarymen qosa, Londonda ótetin halyqaralyq «UK first championship 2024» jarysyna, al №206 mektep-gımnazııasynyń oqýshysy Tomırıs Ońǵarbek AQSh-tyń Hıýston qalasynda ótetin «2024 FIRST Championship, Houston» jarysyna qatysýǵa joldama jeńip aldy.
Elordada ótken alaman jarysta Almatynyń «Qazaq Style» komandasy (№62, №119, №124, №200, №81, №202 mektep oqýshylary) «think award 1st place», «Best Pit Award» júldelerin, №81 mektep-gımnazııasynyń «Redstone» qurama komandasy «connect award 3rd place» atalymynda top jardy.
Almatydaǵy Bilim-ınnovasııa lıseıi men M.Bazarbaev atyndaǵy №138 gımnazııa oqýshylarynan quralǵan «Sana team» komandasy «motivate award winner» pen «Best Mascot finalist», «Best Uniform Award finalist» atty ataýly syılyqtarǵa laıyqty dep tabylsa, №178 lıseıiniń «zok Junoirs» komandasy «innovate award 3rd place» atalymyn, M.Maqataev atyndaǵy №140 gımnazııanyń «uly dala» qurama komandasy First Lego League baǵytyndaǵy bedeldi «breakthrough award» júldelerin ıelendi.
Almatylyqtardyń jeńisi munymen shektelmeıdi. Jeńis tuǵyrynan kóringen mektep túlekteri, sondaı-aq elimizdiń bedeldi joǵary oqý oryndarynyń granttaryn da jeńip alǵan.
Mysaly, Q.Sátbaev ýnıversıtetiniń tańdaýy – BIL lıseıiniń oqýshysy Spandııar Tuıaqbaı men №39 mamandandyrylǵan lıseıiniń oqýshysy Malıkov Meıirjanǵa túsipti.
Al AÝES – M.Bazarbaev atyndaǵy №138 gımnazııa oqýshysy Amangeldi Sholpan, №81 mektep-gımnazııa oqýshysy Álrahat Úmithan, №140 M.Maqataev atyndaǵy gımnazııa oqýshysy Nurıla Berdaly men Móldir Bekenqyzy, №178 mamandandyrylǵan lıseıiniń oqýshysy Oljas Sanatuly syndy talanttardy stýdent retinde qabyldaýǵa daıyn.
Sonymen qatar Eýropalyq oqý oryndaryna 100% jeńildikpen túsýge kepildik beretin qoldaý granty №200 mektep-gımnazııasynyń oqýshysy Mıra Demeýǵalıeva men №178 mamandandyrylǵan lıseıiniń oqýshysy Alýa Tólendige buıyrdy.
ALMATY