Italııanyń Býsto-Arsısıo qalasynda jalaýy jelbiregen Olımpııa oıyndarynyń irikteý týrnırinde eki qazaq boksshysy tusaýkeser kezdesýlerin ótkizdi.
57 kg salmaqta Mahmud Sabyrhan men efıopııalyq Iаdesa Leta kúsh synasty. Shymkenttiń shymyr jigitiniń álem chempıony, álem men Azııa birinshilikteriniń fınalısi degen ataǵy bar. Qarsylasy ondaı dárejege jetpegen. Sondyqtan da Mahmudqa qara qurlyq ókiliniń «tilin tabý» aıtarlyqtaı qıyndyq týǵyza qoıǵan joq. Ekinshi kezeńde qandasymyz Taılandtyń sańlaǵy Saravýt Sýkthetpen saıysqa túsedi. Osy eki boksshy byltyr Bangkokta ótken jastardyń qurlyq birinshiliginde (U-22) kúsh synasqany esimizde. Ol kezde Sabyrhan upaı sanymen jeńiske jetken edi.
80 kg salmaq dárejesindegi Nurbek Oralbaı Gaıtıdiń ókili Sedrık Belonı-Dıýlıepremen sheberlik baıqasty. Bul básekede tóreshiler bizdiń boksshynyń myqtylyǵyn biraýyzdan moıyndady.