Elordada 8 naýryz – Halyqaralyq áıelder kúni qarsańynda túrli konsertter, qoıylymdar, quttyqtaý is-sharalary josparlanyp otyr, dep habarlaıdy Egemen.kz qala ákimdiginiń resmı saıtyna silteme jasap.
6 naýryz kúni E. Rahmadıev atyndaǵy fılarmonııa zalynda saǵat 19:30-da «Jigitter» tobynyń 20 jyldyq merekelik konserti ótedi. Sol sııaqty dál osy kúni «Astana Opera» Opera jáne Balet teatrynda Halyqaralyq áıelder kúnine oraı «Nura» aýdany áıelder qaýymyna arnalǵan «Ty – moıa melodııa» merekelik konserti, «Naz» Memlekettik bı teatrynda «Arý ǵumyr» konserti uıymdastyrylady.
7 naýryz kúni elordanyń birqatar bilim berý mekemesinde merekelik is-sharalar josparlanyp otyr. Máselen, E. Serkebaev atyndaǵy №3 BMM-de, R.Baǵlanova atyndaǵy №2 BMM-de, №16 orta mektepte «Kóktem merekesi» 8 naýryz Halyqaralyq áıelder kúnine arnalǵan merekelik konsert uıymdastyrylady. Sol sııaqty «Tehnıkalyq shyǵarmashylyq ortalyǵynda» «Ardaqty anashym» tehnıkalyq dızaın úıirme oqýshylary arasynda konserttik baǵdarlama uıymdastyrylady.
7 naýryz kúni E. Rahmadıev atyndaǵy fılarmonııada saǵat 19:30-da Nurbolat Abdýllınniń jeke konserti ótedi.
8 naýryz kúni saǵat 18:00-de M.Gorkıı atyndaǵy MAODT sahnasynda «Vosem lıýbıashıh jenshın» qoıylymy, Mýzykalyq jas kórermen teatrynda saǵat 14:00-de jáne 19:00-de «Gaýhartas» qoıylymy, sol sııaqty Jastar teatrynda saǵat 19:00-de Teatrlandyrylǵan konserttik baǵdarlama «Mahabbat mınıatıýralary» josparlanyp otyr.
8 naýryz kúni saǵat 19:30-da E. Rahmadıev atyndaǵy fılarmonııada «Toqtar men Beıbit: jańa baǵdarlama» konserti, al 9 naýryz kúni saǵat 19:00-de Kongress-sentrde ánshi Inna-nyń jeke konserti ótedi.
9 naýryzda Beıbitshilik jáne kelisim saraıynda saǵat 19:30-da Alısher Karımovtyń jeke konserti ótedi. Al saǵat 19:00-de E. Rahmadıev atyndaǵy fılarmonııada «Shymkent Shoý» ázil-ysqaq teatrynyń merekelik konserti ótedi.
Sonymen qatar 9 naýryz kúni №65 mektep-gımnazııasynda mektep jáne balabaqsha oqytýshylary men tárbıeshiler arasynda spartakıada ótedi.
10 naýryz saǵat 19:00-de E. Rahmadıev atyndaǵy fılarmonııada Qýandyq Rahym men Albına Shardarovanyń «Bolaıyq birge» atty konserti uıymdastyrylady.
Mereke qarsańynda elordanyń barlyq aýdanynda «Altyn alqa» jáne «Kúmis alqa» alqalarymen kópbalaly analardy marapattaý rásimi ótedi.
Baıqońyr aýdanynyń ákimi tyl eńbekkerlerin arnaıy quttyqtasa, ózge aýdandarda belsendi áıelderdi quttyqtaý is-sharalary josparlanyp otyr.
Sol sııaqty «Qamqor» áleýmettik qyzmet kórsetý ortalyǵynda «Qamqor arýlary» atty qyzmet alýshylar arasynda, sol sııaqty «Arýlar názik jandar» atty qyzmetkerler arasynda merekelik is-sharalar ótedi.