«Karavan» gazetinen Eýropalyq qaıta qurý jáne damý bankiniń «kredıt menedjerin izdeımiz» degen habarlandyrýyn kórip qalyp, kórsetilgen nómirge faks arqyly rezıýmemdi jiberdim. Qyzyq bolǵanda 240 úmitkerdiń ishinen 8 adam óttik jáne sol banktiń bazasynda kredıt eksperti mamandyǵy boıynsha bilim ala bastadyq. Onda tek oqyp qoımaı, jumys isteýge de múmkindik beriletin.
Baǵdarlama bizdegi «Alıans Bank» arqyly júzege asyryldy. Sol jerde eki jyl jumys istegennen keıin «Eýrazııalyq bankten» shaqyrtý tústi. Ondaǵy qyzmetim shaǵyn jáne orta bıznes qyzmetine arnaldy. Sol jerde on jyl qyzmet atqardym jáne bank ishindegi barlyq baspaldaqty basyp óttim. Jetekshi maman, bas maman, bólim basshysy, basqarma basshysynyń orynbasary, basqarma basshysy bolyp, basqarýshy dırektor laýazymyna deıin jettim. Sol qyzmetti biraz ýaqyt atqaryp, odan keıingi jolymdy qalaı jalǵastyramyn dep otyrǵanda meni «Turǵyn úı qurylys jınaq bankine» shaqyrdy. Qazirgi – «Otbasy bank». Basqarma tóraıymynyń orynbasary bolyp sol jerde de uzaq merzim jumys istedim.
Tabanym tıgen qaı uıymnyń men úshin mańyzy bıik. «Alıans Bank» pen «Eýrazııalyq bank» te shaǵyn jáne orta bızneske nesıe berý salasyna jaýapty boldym. Ol qurylymdarda azamattardyń nesıe alyp, kásip bastaýyna, sóıtip óziniń de, eldiń de jaǵdaıyn jaqsartýyna barynsha úlesimdi qostym. Al «Otbasy bankte» baspana alýǵa qatysty nesıeler ǵana beriledi ǵoı, men osy ortaǵa kelý arqyly adamǵa odan saıyn jaqyndaı túskendeı boldym. Azamattardyń úı alýyna sebepshi bolý adamǵa erekshe baqyt syılaıdy. Odan keıin 2020 jyldyń sońynda aıaǵymnyń aýyrlyǵyna qaramastan, Úmit Shaıahmetova hanym «Halyk-Life» kompanııasyna shaqyrdy. Mıssııalyq turǵydan qaraıtyn bolsaq, men adamǵa odan saıyn jaqyndaı tústim. Iаǵnı bul jerde adamdardyń ómirin saqtandyrýǵa belsene aralasyp kelemin.
Qazir bizdiń kompanııa azamattar ár tıynnyń mańyzyn túsinip, artyq aqshany ómirin saqtandyrýǵa, balasynyń bilimine jınasa degen oı aıasynda strategııa qalyptastyryp otyr. Bul oraıda kompanııa jumysynda aǵartýshylyq sıpat basym. Saqtandyrý naryǵyn damytýǵa Qarjy naryǵyn retteý jáne damytý agenttigi kóp kómegin tıgizip jatyr. Sonyń arqasynda elimizde alǵash ret ómirdi saqtandyrý naryǵynda memlekettik qordan syıaqy bólinetin boldy. «Bilim-Life» saqtandyrý baǵdarlamasy boıynsha áke-sheshesi aqsha jınaıdy. Biz oǵan 8 paıyz tólemaqy berip otyramyz. Eger kópbalaly ata-ana bolsa, oǵan memleket 7 paıyz syılyqaqy beredi. Bıyldan bastap týra turǵyn úı qurylys bankindegideı syılyqaqy júıesi ómirdi saqtandyrý júıesine de keldi. Sonda áke-sheshesi «jınaǵyma saqtandyrý kompanııasy 8 paıyz syılyqaqy beredi, sonyń ústinen balam bilimge qoljetkizsin dep memleket taǵy 7 paıyz beredi eken, onda aı saıyn tym qurysa on myń teńge bolsa da salyp otyraıyn» dep oılana bastaıdy. Bala ýnıversıtetke túskende sol aqshany qoldana alady. Eger sol aqshany jınaý barysynda qolaısyz jaǵdaı kesirinen áke-sheshesi ómirden ozyp ketip jatsa, biz ol balany 17 jasqa deıin jetkizip, armandaǵan oqý ornyna túsirip, oqý aqysyn tólep beremiz.
Otbasy qundylyǵy men mansap jolyn barynsha teń ustaýǵa tyrysyp kelemin. Ár balam qyrqynan shyqqansha anam kómektesedi. Joldasym qaı bastamamdy da qoldap, tileýles bolyp otyrady. Áıel úshin mansap qurý, erler deńgeıinde tabys tabý qıyn ǵoı. Sebebi bizdiń kúndelikti ómirde atqaratyn rólimiz kóp. Jumystan úıge jetkenshe ana tamaqty isteımin, mynany ysytyp jiberemin, mynany jýyp tastaımyn dep oılanyp baramyz. Sóıte júrip, jumysty da shet qaldyrmaý kerek. Otbasyma ǵana emes, halqyma da paıdam tııýi kerek degen qaǵıdany ustanamyn.
Jyl saıyn qarjy salasynda úlken jetistikke jetetin áıelder qatary artyp keledi. 8 naýryz merekesinde eń birinshi anamyzdy quttyqtaýǵa baramyz. Otbasymyzdyń aqylshysy, berekesi anamyz rıza bolsa, biz úshin sol ǵanıbet. Odan keıin jumysta qyz-kelinshekterdi, áriptesterdi quttyqtaımyn. Áıel azamattar qulpyra bersin.
Janar Jubanııazova,
«Halyk-Life» AQ ómirdi saqtandyrý kompanııasynyń basqarma tóraǵasy