Shymkentte júk poıyzy jas jigit qaǵyp ketti. Oqys oqıǵa 8 naýryz kúni boldy, dep habarlaıdy Egemen.kz.
Otyrar.kz saıtynyń jazýynsha, Jıdelibaısyn kóshesinde júk poıyzy jas jigitti qaǵyp ketken.
Kýágerlerdiń sózine súıensek, 18-20 jas aralyǵyndaǵy jigitti poıyz 20-30 metrge jerge súırep ketken.
Kóliktegi polısııa departamenti atalǵan jaǵdaı boıynsha sotqa deıingi tergeý júrip jatqandyǵyn málimdedi.
«Shymkent stansasyndaǵy jelilik polısııa bólimi abaısyzda adam ólimine ákep soqqan jol qozǵalysy nemese temirjol kóligin paıdalaný qaýipsizdigi erejelerin buzý faktisi boıynsha sotqa deıingi tergeý amaldaryn júrgizip jatyr. Qazaqstan Respýblıkasy Qylmystyq-prosestik kodeksiniń 201-babynyń talaptaryna sáıkes ózge de málimetter tergeý múddesi úshin jarııa etilýge jatpaıdy», delingen vedomstvo aqparatynda.