Uldar komandasyndaǵy qaqpashy qyz

О́ziniń aıtýyna qaraǵanda, bes jasynan fýtbolǵa qyzyǵa bas­taǵan. Uldarmen birge dop qýa­laǵan. Al tórt jyl buryn «RealSportAcademy» fýtbol ­klý­by­nyń quramyna alynǵan.

«Árkimniń qyzyǵýshylyǵy bolady. Meniń ańsarym fýtbolǵa aýdy. Maqsatym – buqaralyq sportty, onyń ishinde fýtboldyń qyzdarǵa jat emesin nasıhattaý. Árıne, jetistikke jetýdi kóz­dedim. Bul oıyma ákem-sheshem qoldaý bildirdi», deıdi Dılnaz Barsaeva.

Ol qaqpashy bolýdyń ońaı emesin biledi. О́ıtkeni koman­da­nyń jeńisi qaqpashynyń ábjil­digimen, sheberligimen baılanys­ty ǵoı. Sol sebepten, qaqpa­ny qorǵaýdyń qyr-syryn úırenýmen keledi.

«Jattyǵý kezinde dopty ustaý tehnıkasyna mán beremin. Tipti qaqpaǵa tebilgen doptyń traektorııasyn bilý kerek. Qulaýdy úırenip aldym. Eń bastysy, jyldamdyq pen qyraǵylyq tanytýda qatelespegen jón», deıdi qaqpashy qyz.

«RealSportAcademy» fýtbol klýbynyń je­tek­­shisi Berik Murataly­ulynyń aıtýynsha, Qazaqstan fýtbol fe­de­­rasııasynyń bas­tama­sy­men 2021 jyly jeke klýbtardyń res­pýb­­lı­kalyq lıgasy qu­ryl­ǵan. Klýbtyń qaqpa­shysy Dılnaz Barsaeva byltyr atalǵan lıgada úzdik qaqpashy atanǵan.

«Fýtbol klýbynyń Instagram paraqshasy­na «Qyzdardy qa­byl­daısyzdar ma?» degen pikir jazyldy. Ony Dılnaz degen qyz jazypty. Alǵashynda tańdanǵanym ras, keıin klýbqa shaqyrdym. Áke­simen birge kelip, qaqpashy bol­ǵysy keletinin aıtty. Pysyq eken, karateden biraz jetistigi bar. Ol – shapshań qımyldaıtyn, qaısarlyǵy basym qyz. Aldaǵy jyly shetelde ótetin jarysqa jiberýdi jos­parlap otyrmyz», deıdi Berik Muratalyuly.

Qazir qaqpashy qyz Nazarbaev zııatkerlik mektebiniń 8-synybynda oqyp júr. Hımııa men ın­formatıka pánderin unatady. Biraq bolashaǵyn fýtbolmen baı­la­nystyrýdy kózdeıdi.

«Ár sporttyń talaby bar ǵoı. Uldar oınaıtyn komandada udaıy bolýǵa múmkindik joq. Sol se­bepten, qyzdar komandasy­na aýys­­qym keledi. Sheberligim­di jetil­dirip, elimizdiń, bálkim, Eýro­panyń klýbtarynda oınaıtyn shyǵarmyn. Bul – meniń armanym», deıdi ol.

Atyraý oblysy