Qyzylordadaǵy S.Aıtbaev atyndaǵy kórkemsýret galereıasynda Qazaqstan dızaınerler odaǵynyń múshesi, belgili fotosýretshi Shakımardan Májıtulynyń «Turan oıpatynyń órkenıeti» atty kórmesi ashyldy.
Galereıanyń eki zalyna ornalasqan fotolar shırek ǵasyrdaǵy tynymsyz eńbek jemisi. Munda ásirese tarıhqa qyzyqqandar men bolashaq arheologter úshin derek alar týyndy kóp. О́ıtkeni Shakımardan Májıtuly ejelgi órkenıet izi saqtalǵan óńirdegi tarıhı oryndar men kóne kómbelerdi taspalaǵan fotosýretshi.
Kórmeniń ashylý saltanatynda oblystyq mádenıet, arhıvter jáne qujattama basqarmasy basshysynyń orynbasary Qýanysh Januzaqov, jyraý, Qazaqstannyń eńbek sińirgen qaıratkeri Almas Almatov, oblystyq tarıhı-ólketaný mýzeıiniń dırektory Sapar Kózeıbaev kórme ıesiniń óńirdiń mádenı-rýhanı fotoshejiresin jasaýdaǵy eńbegin atap ótti.
Kórermen nazaryna kórmedegi Syrdaǵy saqtar tarıhynan syr shertetin qalalar men qorǵandar, ortaǵasyrlardaǵy keseneler birden ilinedi. Eki ǵasyrdan astam tarıhy bar Qyzylorda qalasynyń keshegisine kýáger eskertkishter men ǵımarattar, Syrdyń sulý tabıǵaty beınelengen fotolar da osynda.
Oblystyq tarıhı-ólketaný mýzeıiniń qurylǵanyna 85 jyl tolýyna baılanysty uıymdastyrylǵan kórmede avtordyń jeke qoryndaǵy fotoapparat túrleri, sýretteri engen kitaptar da qoıyldy.
Qyzylorda