Jetisýlyq dárigerler ınsýlt alǵan 76 jastaǵy naýqasqa biregeı operasııa jasap, ajaldan arashalap qaldy. Mı tamyrynyń qysylýymen aýrýhanaǵa túsken qarııaǵa der kezinde kómek kórsetken aqjeleńdiler jańa medısınalyq ádisti paıdalanǵan. Qazir naýqastyń jaǵdaıy qalypty.
Jetisý oblysynda mindetti áleýmettik medısınalyq saqtandyrý aıasynda ınsýltti emdeýde alǵash ret ınnovasııalyq tásil qoldanyldy. Taldyqorǵan qalasyndaǵy oblystyq aýrýhana dárigerleri sol jaq ortańǵy mı arterııasy basseıninde jiti ıshemııalyq ınsýltpen aýyratyn naýqasqa biregeı operasııa jasady. О́ńirde túńǵysh ret qoldanylǵan emdeý ádisi «stent-retrıverdiń kómegimen mehanıkalyq rentgenendovaskýlıarlyq tromboekstraksııa» dep atalady.
Atalǵan tásil mıdyń bitelgen tamyrynan trombty mehanıkalyq túrde alyp tastaýǵa múmkindik beretin arnaıy medısınalyq qural «stent-retrıverdi» qoldanýǵa negizdelgen. Prosedýra rentgendik baqylaý arqyly júzege asady. Bul dál jáne qaýipsiz jumys isteýge múmkindik beredi. Neırohırýrg Aırat Júnisovtiń aıtýynsha, bul ádistiń biregeıligi onyń mınımaldy ınvazıvti sıpaty men joǵary tıimdiliginde jatyr.
«Prosedýra barysynda biz mıdyń bitelip qalǵan tamyryna stent-retrıverdi engizemiz, ol trombty ustap, ony alyp tastaıdy, qalypty qan aınalymyn qalpyna keltiredi jáne mıdyń zaqymdanýyn boldyrmaıdy. Bul ádis qan aǵymyn tez jáne tıimdi qalpyna keltirýge múmkindik beredi, ınsýlttiń áserin aıtarlyqtaı azaıtady jáne naýqastyń densaýlyq jaǵdaıyn jaqsartady. Operasııa úsh saǵatqa sozyldy, naýqas neırohırýrgııa bólimine aýystyryldy», deıdi A.Júnisov.
Dáriger atap ótkendeı, bul operasııany ınsýlt bastalǵannan keıingi alǵashqy 6 saǵatta ǵana jasaýǵa bolady, sondyqtan aýrýhanaǵa ýaqtyly barý jáne ınsýltti erte anyqtaý óte mańyzdy.
«Jasandy ıntellekt negizinde ınsýltti avtomatty túrde dıagnostıkalaıtyn qazaqstandyq ónim bizdiń jumysymyzǵa kóp kómegin tıgizedi. Ol bas mıynda ıshemııa oshaǵynyń bar-joǵyn anyqtaýǵa kómektesedi. Qarapaıym sózben aıtqanda, mıdyń qaı aımaǵynyń ólgenin anyqtap beredi. Ishemııa oshaǵy bolmaǵan kezde kómek kórsetýdi bastaýǵa bolady. Bul – trombolız nemese tromboekstraksııa, ıaǵnı trombty joıý operasııasy. Sonymen qatar men barlyq «CerebraAi» komandasyna kórsetken kómegi men medısınaǵa qosqan úlesi úshin alǵysymdy bildirgim keledi. Múmkindikti paıdalana otyryp, úkimetten osy baǵdarlamaǵa nazar aýdaryp, kómektesýin suraımyn. О́ıtkeni bul – syrqattarǵa naqty kómek kórsetetin baǵdarlama. Jasandy ıntellekt negizinde ınsýltti avtomatty túrde dıagnostıkalaıtyn qazaqstandyq ónimniń qyzmetin keńinen taratý kerek. Buǵan sheteldikterdiń ózi qyzyǵýshylyq tanytyp otyr», deıdi oblystyq aýrýhananyń neırohırýrg-dárigeri Asylbek Ánýarbekuly.
Onyń aıtýynsha, bassúıekti ashpaı operasııa jasaý tamyr neırohırýrgııasy dep atalady. Oblysta mundaı operasııa 2022 jyldan bastap qoldanysqa endi. Bul – óte qıyn jáne qaýipti. Sol sebepti operasııa jasaý bir dárigerdiń qolynan kelmeıdi. Mundaı jaǵdaıda operasııany birneshe dáriger birlesip jasaıdy. Bul qatarda Maqsat Musabekov pen Aırat Júnisov te bar. Keıingi eki jylda óńirde 150-den asa naýqasqa operasııa jasalǵan. Sonyń 95–97 paıyzy sátti ótken.
Jalpy, óńirde áleýmettik medısınalyq saqtandyrý aıasynda ınsýltti emdeý ádisteriniń qarqyndy damýy baıqalady. Insýltpen aýyratyn naýqastar sapaly emdelýge múmkindik beredi. Qosymsha qarjylyq shyǵyndarsyz qalpyna kelýge jaǵdaı jasaıdy.
Osy oraıda aıta keteıik, óńirdegi psıhıkalyq densaýlyq ortalyǵynyń qyzmetkerleri sıntetıkalyq esirtkiden ýlanǵan adam ómirin qutqaryp qaldy. Narkologter hımııalyq qospadan jasalǵan sıntetıkalyq esirtki tutynǵan naýqasty emdegen. Ony bir ret paıdalanǵannan keıin táýeldi bolady. Búginde mekeme qyzmetkerleri ishimdik pen ártúrli zııandy zattarǵa áýestigi bar 3600-den asa adamdy tirkeýge alǵan. Qazir ortalyqta solardyń 64-i emdelip jatyr.
«Birneshe kún buryn aýyr halde túsken naýqasqa dárigerler der kezinde kómek kórsetti. Em-dom sharalary nátıjesinde naýqastyń densaýlyǵy jaqsara bastady. Byltyr Jetisý oblysynyń psıhıkalyq ortalyǵy 1 712 naýqasty emdep shyǵardy. Sonyń ishinde sıntetıkalyq esirtkimen emdelgenderdiń paıyzdyq úlesi 15 paıyzdy quraıdy. Sıntetıkalyq esirtkini paıdalaný kezinde adamnyń ýaqytqa baǵdary, qorshaǵan ortaǵa, óziniń is-áreketine degen esep berýi joǵalady. Sonymen qatar psıhıkalyq densaýlyǵyna óreskel zııan keledi», deıdi oblystyq psıhıkalyq densaýlyq ortalyǵynyń narkolog dárigeri Erkebulan Moldahanov.
Jetisý oblysy