Amerıkalyq jetekshi taldaý ortalyqtarynyń biri «Center for Strategic & International Studies» (CSIS) alańynda «Jahandyq ońtústik» turǵysynda AQSh tásilderin qaıta qaraý» atty paneldik pikirtalas ótti. Is-sharanyń spıkerleri – Qazaqstannyń AQSh-taǵy elshisi Erjan Ashyqbaev, Zambııa elshisi Chısamba Kýanıama jáne CSIS aǵa vıse-prezıdenti Danıel Rýnde.
Erjan Ashyqbaev qazirgi geosaıası ahýal jahandyq derjavalar arasyndaǵy básekelestikpen sıpattalatynyn, bul «Jahandyq ońtústik» elderimen jáne «orta derjavalar» dep atalatyn tásilder men ózara is-qımyldan kórinetinin málim etti. Osyǵan baılanysty Qazaqstan elshisi ózin halyqaralyq áriptestermen ózara is-qımyldyń tıimdi tetigi retinde aqtaǵan kópvektorly saıasatqa qatysty strategııalyq mindettemege toqtaldy. Astana Batys pen Shyǵys arasyndaǵy kópir bola otyryp, ulttyq múddeler negizinde barlyq jahandyq oıynshylarmen pragmatıkalyq jáne ózara tıimdi qarym-qatynas ornatady. Osy turǵyda Erjan Ashyqbaev AQSh-pen sırek mıneraldar, aýyl sharýashylyǵy, IT tehnologııalar t.b. salalarda keńeıtilgen strategııalyq áriptestikti arttyrý perspektıvalaryna nazar aýdardy.
Basqosý barysynda Danıel Rýnde Qazaqstannyń syndarly syrtqy saıasaty men halyqaralyq arenadaǵy rólin joǵary baǵalady. Sonymen qatar CSIS ókili táýelsizdik alǵannan beri eldiń joǵary ósýi men damý qarqynyn atap ótti.
Amerıkalyq sarapshynyń pikirinshe, AQSh sırek kezdesetin metaldar, saýda jáne energetıka salalaryn qosa alǵanda, keń aýqymdy máseleler boıynsha Qazaqstanmen qarym-qatynasty tereńdetýge tıis.
Is-shara sońynda qatysýshylar barlyq eldiń múddesin saqtaý qajettigin atap ótti, bul halyqaralyq arenada teńdestirilgen qarym-qatynas ornatýdyń negizgi aspektisi bolyp sanalady.