Qarýly kúshterdiń jaýyngerlik daıyndyq baǵdarlamasy sheńberinde naýryzdyń 11-19 kúnderi aralyǵynda Qaraǵandy oblysy aýmaǵynda ekijaqty komandalyq-shtabtyq oqý-jattyǵý ótip, Qaraǵandy, Almaty, Jetisý oblystary aýmaǵynda kúshter men quraldardyń qozǵalysy júzege asyrylady, dep habarlaıdy Egemen.kz Qorǵanys mınstrliginiń baspasóz qyzmetine silteme jasap.
Vedomstvo málimdemesinde: «Oqý-jaýyngerlik mindetterdi pysyqtaý maqsatynda bólimsheler polıgondarǵa temir jol, áýe, avtomobıl kóligi arqyly aralas tásilmen marsh jasaıdy. Keıin turaqty ornalasý pýnktterine oralady. Atalǵan kezeńde óńirdiń jekelegen aýdandarynda shekteý sharalary engizilýi múmkin ekenin habarlaıdy. Osyǵan baılanysty azamattardan ótip jatqan oqý-jattyǵýlarǵa túsinistikpen qaraýdy jáne tynyshtyq saqtaýdy suraımyz. Sonymen qatar áleýmettik jelilerdi paıdalanýshylardan áskerı tehnıkanyń qozǵalysy týraly jalǵan habarlamalar men beınematerıaldar taratpaýdy jáne tek resmı aqparat kózderine senýdi suraımyz», delingen.