Bıyl QR Mádenıet jáne aqparat mınıstrlininiń qoldaýymen fılarmonııada Memlekettik akademııalyq klassıkalyq gıtarıstter kvınteti quryldy. Aıtýly oqıǵaǵa oraı Jambyl atyndaǵy Qazaq memlekettik fılarmonııasynyń úlken zalynda Memlekettik akademııalyq gıtarıstter kvıntetiniń resmı ashylýy jáne alǵashqy «BasTaý» atty konserti ótedi, dep habarlaıdy Egemen.kz.
90 jylǵa jýyq tarıhy bar Jambyl atyndaǵy Qazaq memlekettik akademııalyq fılarmonııasy quramynda respýblıkamyzda ǵana emes birqatar shet memleketterge de tanymal 4 iri shyǵarmashylyq ujym bar. Odan bólek elimizdiń mýzyka óneriniń qarashańyraǵynda ishekti aspaptar kvarteti, qaraǵaıly úrmeli aspaptar kvınteti men solıstter bar. 1935 jyldan bastap halqymyzdyń rýhanı damýyna adal qyzmet etip kele jatqan fılarmonııanyń repertýary qazaq halqynyń mýzykasymen qatar álemdik klassıkalyq mýzykadaǵy shyǵarmalarǵa baı.
2024 jyly QR Mádenıet jáne aqparat mınıstrlininiń qoldaýymen fılarmonııada Memlekettik akademııalyq klassıkalyq gıtarıstter kvınteti quryldy. Elimizde alǵash ret ashylyp otyrǵan kvıntet quramynda Qazaqstannyń joǵarǵy oqý oryndarynda bilim alǵan talantty gıtara aspabynyń sheberleri óner kórsetedi.
Osyǵan oraı 20 naýryz saǵat 19:00-de Jambyl atyndaǵy Qazaq memlekettik fılarmonııasynyń úlken zalynda Memlekettik akademııalyq gıtarıstter kvıntetiniń resmı ashylýy jáne alǵashqy «BasTaý» atty konserti ótedi.
Is-sharaǵa QR Mádenıet jáne aqparat mınıstrligi men Almaty qalasy ákimdiginiń ókilderi, О́ner qaıratkerleri, zııaly qaýym ókilderi qatysady.
Baýyrjan Jylqybaev - kvıntetniń kórkemdik jetekshisi, halyqaralyq baıqaýlardyń laýreaty.
Kvıntet quramynda:
Aqbar Qıarystan (gıtara) Ulan Ahmetov (bas gıtara) Asan Narbota(gıtara) Záýre Narbota(gıtara) Baýyrjan Jylqybaev(gıtara)Konsertke qatysatyndar:
Aıda Aıýpova (skrıpka) Hasan Masaev(kahon) Ertaı Mamyrhan(fortepıano) Ermek Medenov(saksofon)Baǵdarlamada: Qurmanǵazy - «Adaı», N.Tilendıev - «Qustar áni», «Álqıssa», B.Jylqybaev - «Amigo», «Kazakh rumba», «Qaıyrly tań», «Nomads», M.Áýbákirov - «Narkesken», Gipsy kings - «Inspiration» Love and liberte», Jesse Cook -«Gipsy», «Tempest», «Mario takes a walk», Montı - «Chardash», Rodrigo y gabriela - «Puss in boots», «Tamacun», Depapepe - «Katana», V.Dıdıýlıa - «Ýlıchnye strastı».