Elde elenbegen Elmurat

Elmurat 1991 jyly Tash­kent oblysy, Bostandyq aýda­nynyń Qy­zyl Tý aýylyn­da dúnıege keldi. Bala kezi­nen kúreske qyzyq­qan ony ata-anasy 13 ja­synda Túrkis­tan­daǵy Bekzat Sat­tar­hanov atyndaǵy sporttaǵy da­ryndy balalarǵa arnalǵan mek­tep-ınternatqa oqýǵa ji­berdi. Birer jyl Elmurat sol jerde sheberligin shyńdady. Túr­li týr­nırlerdi utyp, óziniń myq­tylyǵyn san márte dálel­degenimen, jergilikti mamandar ony kerek qylmady. Tipti bilikti degen otandyq bapkerlerdiń ózi Elmurattyń keleshekte myqty balýanǵa aınalatynyn bilmedi. Sóıtip daryndy jasqa respýblıkamyzdyń bas komandasynan oryn buıyrmady.

Osydan keıin Elmurat Tas­muratov amalsyz mektep-ınternatty támamdaǵannan keıin qaıta týǵan jerine, О́zbekstanǵa oraldy. Bul – 2010 jyl edi. «Altyn kezdik qap túbinde jatpaıdy» demekshi, kóp uzamaı E.Tasmuratov О́zbekstannyń je­ńil salmaqtaǵy bas balýanyna aı­naldy.

О́ziniń alǵashqy aýyz toltyryp aıtarlyqtaı tabysyna Elmurat 2012 jyly qol jet­kizdi. Ońtústik Koreıanyń Kýmı qalasynda ótken Azııa chempıo­natynda ol kúmis medaldi moı­nyna ildi. Sodan keıin О́z­bekstannyń týy astynda óner kórsetetin qazaq balýanynyń sporttyq mansabynda órleý ke­zeńi bastaldy. Tarqatyp aıt­saq, 2013 jáne 2014 jyldary E.Tasmuratov álem chempıonatynda qolaǵa qol jetkizse, 2018 jyly kúmispen kúpteldi. 2013-2020 jyldar aralyǵynda Azııanyń bes dúrkin chempıony atandy. Qandasymyz atalǵan jarystardyń fınaldyq saıys­tarynda Abdýlmuhammad Papı (Iran), Sınobý Ota (Japonııa), Iýn Von Chhol (Soltústik Koreıa), Ýrmatbek Amatov (Qyrǵyzstan) jáne Son Djın Sop (Ońtústik Koreıa) syndy sańlaqtarǵa san soqtyrdy. Taǵy bir ret ol kúmis medaldi ıelendi.

Elmurat Tasmuratov 2016 jyly Brazılııanyń Rıo-de-Janeıro qalasynda alaýy tutanǵan Olımpııa oıyndaryn­da da atoı saldy. Qola medal úshin tartysta qyrǵyz Arsen Erálıevti eńsergen ol jeńis tu­ǵy­ryna kóterildi. Dál sol sátte kórshi kilemde Almat Kebis­baev ta kúresken edi. О́kinishke qaraı, qazaq balýany norvegııalyq Andre Bergke ese jiberip, be­sinshi oryndy qanaǵat tutty.

Jalpy, asa iri halyqaralyq jarystarda Elmurat pen Al­mattyń joldary jıi qıysty. Kebisbaevtyń da esimi qalyń kórer­menge jaqsy tanys. Ol – álem chempıonatynyń bes jáne Azııa oıyndarynyń eki dúr­kin júldegeri. Sary qur­lyqtyń basty dodasynda qazaq balýany 2 altyn, 3 kú­mis jáne 2 qola medaldi oljala­dy. Qos qan­dasymyzdyń aıqasynda birde Almattyń asyǵy alshysynan tússe, endi birde Elmurattyń baq juldyzy jandy.

О́zbekstannyń ataqty balýa­ny 2021 jyly sporttyq mansabyn aıaqtaǵany jaıynda resmı túrde málimdedi. So­dan keıin ol shá­kirt tár­bıeleı bastady. Bul kún­deri Elmurat Zulypqaruly atal­ǵan memlekettiń ulttyq qu­­ra­masynyń aǵa jattyq­ty­rý­shysy qyzmetin atqaryp jatyr.