2793 múıiz tárkilendi

Is-shara barysynda 8 myń­nan astam aýmaq tekseriske alyn­d­y. Olardyń qatarynda ańshy­lyq jáne balyq aýlaý nysandary, ormandardy men janýarlar dúnıesin qorǵaý jónindegi mem­lekettik mekemelerdiń aý­maq­­­tary, sondaı-aq erekshe qor­­­ǵa­latyn tabıǵı aýmaqtar bar.

Osylaısha, bir aıda tabıǵat qorǵaý zańnamasyn buzǵan 4 myń­nan astam derek anyqtaldy. Onyń ishinde janýarlar dúnıesi sala­synda – 2906 fakt, balyq sharýa­shylyǵy salasynda – 621, orman sharýashylyǵy salasynda – 25, jer qoınaýyn paıdala­ný salasynda – 2, basqa da sala­lar­da 709 fakt tirkeldi. Sondaı-aq 4 myńǵa jýyq zań buzýshy ustalyp, zańsyz balyq aýlaýmen aınalysqan 11 adamnan turatyn uıymdasqan qyl­mystyq toptyń qyzmeti toqta­tyl­dy. Zańsyz aınalymnan 13 700 metr tyıym salynǵan ba­lyq aýlaý tory, 3,5 tonna ba­lyq jáne balyq ónimderi, 2793 aq­bó­ken múıizi, 188 túrli qural tár­ki­lendi.

Sotqa deıingi 86 tergeý bas­talyp ketti. Mysaly, Qara­ǵan­dy oblysyndaǵy Balqash kóli­niń sý aıdynynda polısııa qyz­metkerleri zańsyz balyq aýla­ǵan er adamdy ustady. Ol muz asty­na 300 metrlik aý quryp, árqaı­sy­synyń salmaǵy 55 kılo bolatyn eki qap balyq aýlap úlger­gen. Tabıǵatqa kel­ti­rilgen zalal kóle­mi 397 myń teń­geni qurady. Balyq resýrs­taryn zańsyz óndirý faktisi boıynsha sotqa deıingi tergeý júrgizilip jatyr.

Almaty oblysynda «Sor­bu­laq» jasandy kóliniń aýma­ǵyn­­da tártip saqshylary 11 adam­nan turatyn uıymdasqan qylmystyq toptyń áreketin toqtatty. Olar tyıym salynǵan balyq aýlaý quraldarymen zańsyz balyq aýlaǵan. Jeńil oljaǵa kenelgisi kelgen azamattardan 1 tonnaǵa jýyq balyq, túrli qarý-jaraq pen oq-dári tárkilendi.

Tabıǵatty qorǵaý polısııasy beki­tilgen ańshylyq alqaptarda ań aýlaýǵa bolatyndyǵyn eske sala­dy. Ańshynyń qolynda mem­­lekettik bajdy tóleý bel­gisi bar ańshy kýáligi, ań aýlaý­ǵa ruq­sat, ańshylyq sharýa­shy­ly­­ǵy sýbektisiniń joldamasy, ań­shy­­­lyq atys qarýyn alyp júrý quqyǵyna ruqsaty bolýǵa tıis.