Májilis spıkeri Erlan Qoshanovtyń tóraǵalyǵymen bıýro ótip, aldaǵy jalpy otyrystyń kún tártibi naqtylandy.
Talqylaýǵa jańartylatyn energııa kózderin paıdalanýdy qoldaý, elektr energetıkasy jáne tabıǵı monopolııalar máseleleri týraly zań jobasyn birinshi oqylymda qaraý usynylady. Parlament depýtattarynyń bastamasymen ázirlengen zań jobasy energetıka salasyn retteýge, onyń ishinde jańartylatyn energııa kózderin paıdalaný jónindegi shaǵyn aýqymdy obektilerdi damytýǵa jáne osy salaǵa ınvestısııalar tartý úshin qolaıly jaǵdaılar jasaýǵa baǵyttalǵan. Osyǵan baılanysty Kásipkerlik kodeksine, «Qazaqstan Respýblıkasyndaǵy kedendik retteý týraly» Kodeksine jáne «Elektr energetıkasy týraly», «Jańartylatyn energııa kózderin paıdalanýdy qoldaý týraly» zańdarǵa túzetýler usynylady.
Birinshi oqylymda depýtattar Qylmystyq, Qylmystyq-prosestik jáne Qylmystyq-atqarý kodeksterin ońtaılandyrý máseleleri boıynsha zań jobasyn qaraıtyn bolady. Qujat Memleket Basshysynyń 2022 jylǵy 1 qyrkúıektegi «Ádiletti memleket. Birtutas ult. Berekeli qoǵam» Qazaqstan halqyna Joldaýynda Qylmystyq jáne Qylmystyq-prosestik kodeksterge muqııat saralaý júrgizý týraly bergen tapsyrmasyn oryndaý maqsatymen ázirlendi. Zań jobasyn qabyldaý azamattardyń konstıtýsııalyq quqyqtaryn qorǵaýdy kúsheıtýge, qylmystyq sot isin júrgizýge qatysýshylardyń ózderiniń is júrgizý quqyqtary men mindetterin tıimdi iske asyrýyn qamtamasyz etýge, penıtensıarlyq júıede adam quqyqtarynyń saqtalýyn arttyrýǵa múmkindik beredi.
Sonymen qatar Ákimshilik ádilet salasyn jetildirý jáne qoldaný aıasyn keńeıtý máseleleri boıynsha Úkimettiń túzetýleri qaralady. Azamattyq-quqyqtyq daýlardyń jekelegen sanattaryn Azamattyq is júrgizý Kodeksinen ákimshilik ádilet deńgeıine aýystyrý týraly zań jobasy birinshi oqylymda talqylanady.
Májilis О́zbekstan Úkimetimen ekologııa jáne qorshaǵan ortany qorǵaý salasyndaǵy yntymaqtastyq týraly kelisimdi ratıfıkasııalaý týraly zań jobasyn jumysqa alýdy josparlap otyr.