Shymkentte oqý-jattyǵý jıynyn qaǵaz júzinde ǵana ótkizgen bapkerlerdiń isi áshkerelendi. Olar zańsyz áreketi arqyly 6 mln teńgeni qaltalaryna basqan, dep jazady Egemen.kz.
Qalalyq dene shynyqtyrý jáne sport basqarmasyna qarasty sport mektepteriniń jattyqtyrýshylary 2022-2023 jyldar aralyǵynda sportshylardyń Almaty, Taraz qalalary men Túrkistan oblysynda oqý-jattyǵý jıyndaryna barǵany týraly jalǵan qujat tapsyryp kelgen. Sóıtip 6 mln teńge kóleminde bıýdjet qarjysyn talan-tarajǵa salǵan.
Sot barysynda memleketke keltirilgen shyǵyn óteldi, alaıda bıýdjet qarjysyn qaıtarý jazadan qutqarmady.
Qalalyq sot habarlamasynda: «Bıýdjet qarajatyn jymqyrý faktisi boıynsha aıyptalýshylardyń bas bostandyǵy 1 jáne 2 jyl merzimge shekteldi», delingen.