M.О́temisuly atyndaǵy Oqýshylar saraıynda memlekettik bilim berý tapsyrysy ornalastyrylǵan jekemenshik balabaqshalardyń mektepaldy daıarlyq toptary arasynda «Elordanyń erketaıy» qalalyq óner baıqaýy ótti.
«Astana daryny» daryndy balalar men talantty jastardy anyqtaý jáne qoldaý ortalyǵynyń uıymdastyrýymen ótken jarystyń irikteýinde 140 beınematerıal qaraldy. Saıysqa qatysýshy baldyrǵandar birneshe atalym boıynsha baq synap, ónerlerin kórsetti. Atap aıtsaq, «Vokal» baǵyty boıynsha 19 ónerpaz, «Horeografııa» atalymy boıynsha 29 bı toby, «Vokaldyq top» atalymynda 20 top, al «Mýzykalyq aspaptarda oınaý» baǵytynda 6 ansambl, barlyǵy 75 óner shyǵarmasy qazylar alqasy nazaryna usynyldy.
– «Elordanyń erketaıy» atty óner baıqaýy 2017 jyldan beri turaqty ótip keledi. Iаǵnı bul saıys bas qalamyzdyń 20 jyldyq mereıtoıynan bastaý aldy. Osy baıqaýda alǵash sahnaǵa shyǵyp, óner kórsetken baldyrǵandarymyzdyń birqatary búgingi tańda respýblıkalyq, halyqaralyq dodalarda top jaryp júr. Bizdiń de maqsatymyz osy edi. Iаǵnı daryndy balalar men talantty jastardy anyqtaý jáne qoldaý arqyly mejeli maqsatqa jol salyp berip otyrmyz, – deıdi «Astana daryny» ortalyǵynyń bólim ádiskeri Nurjamal Myrzaǵalıeva.
Talantqa talap bergen baıqaýdyń nátıjesinde ár atalymda úzdik shyqqan ónerpazdarǵa «Astana daryny» ortalyǵynyń kýbogi jáne dıplomdar men baǵaly syılyqtar berildi.
Bekzat QULShAR,
L.N.Gýmılev atyndaǵy EUÝ stýdenti