«Jaıly mekteptiń» jaıy

Memlekettik satyp alý konkýrsynyń qorytyndysy kesh shyǵýyna baılanys­ty 1 mektep qurylysy ja­qyn kúnderi bastalmaq. Infra­qurylym jetkizýge jer­gi­lik­ti bıýdjetten 118,4 mln teńge bólinip, joba-smetalyq qu­jaty ázirlendi, 9-yna saraptama qorytyndysy alyndy, bireýi aıaqtalý satysynda tur. Injenerlik jeliler júr­gizýge oblystyq bıýdjetten 1,6 mlrd teńge bólinip, bú­gin­gi kúni merdiger mekeme­ler anyqtalypty.

Jýyrda ótken máji­lis­te oblys ákimi Nurlybek Nálibaev bul baǵyt­ta­ǵy ju­mystar joba úıles­ti­rý­shisi «Samuryq-Qazyna Konstrak­shn» aksıonerlik qoǵamy ókil­derimen bir­lesken jol kartasyna sáıkes júrgizilip jatqanyn atap ótti. Bul rette qurylys, sáýlet jáne qala qurylysy basqarmasyna merdiger mekeme basshylarymen tyǵyz jumys jasaý tapsyrylyp otyr. Byltyr bastalǵan 10 mektep bıylǵy 1 qyrkúıekte paıdalanýǵa berilýi kerek. Olarǵa syrtqy ınjenerlik ınfraqurylym júrgizý al­daǵy maýsym aıy­nyń so­ńyna deıin aıaqtalýǵa tıis. Qyzylorda qalasy jáne aýdan ákimderi osy jyldyń 1 tamyzyna deıin mek­tepter aýmaǵyn jol-kólik jeli­lerimen, jaryqtandyrý, abat­tandyrý, jaıaý júrgin­shi­ler joldarymen jáne aıaldamalarmen qam­ta­masyz etýi qajet.

«Samuryq-Qazyna Kon­strak­shn» aksıonerlik qo­ǵamy basshylarynyń ob­lys­qa sapary kezinde uıym­das­ty­rylǵan májiliste ult­­­tyq jobany óńirde asy­­rýdyń osyndaı ózekti máse­leleri jan-jaqty tal­qy­lan­dy.

Jalpy, bıyl oblysta 6 900 oryndyq 10 mektep, keler jyly 5 400 oryndyq 11 bilim oshaǵy qoldanysqa berilmek.

Qyzylorda