Memleket basshysy Qasym-Jomart Toqaevtyń Ulttyq quryltaıdyń úshinshi otyrysynda kótergen máseleleriniń biri ıdeologııa máselesi boldy.
Prezıdent óz sózinde: «Búginde mańyzdy ıdeologııalyq tujyrymdarymyz ben negizgi baǵyttarymyz - Táýelsizdik jáne Otanshyldyq, Birlik jáne Yntymaq, Ádildik jáne Jaýapkershilik, Zań jáne Tártip, Eńbekqorlyq jáne Kásibı biliktilik, Jasampazdyq jáne Jańashyldyq. Ultymyz osy ıdeıalyq negizderdi basshylyqqa alsa, boljaýsyz jáne qarqyndy damyp kele jatqan HHI ǵasyrda laıyqty ornyn tabady. Quzyrly memlekettik organdardyń bári óz jumysyn qaıta qarap, osy tuǵyrnamaǵa úılestirýi qajet!», dep aıtty.
Keıbir sarapshylardyń: «Qazaqstanda ıdeologııa joq», degen pikirlerine naqty jaýap dep bilemin.
Bul jerde Oqý-aǵartý mınıstrligi mekteptegi tárbıe jumysyn uıymdastyrý tásilderin jańartýy, joǵary oqý oryndary men kolledjder stýdenttermen júrgiziletin jumysta rýhanı qundylyqtardy iske asyrýy, Qarýly kúshterimiz áskerı-patrıottyq is-sharalarǵa at salysýy qajet.
Ǵalıasqar Sarybaev,
Parlament Senatynyń depýtaty