BIRGEMIZ – BERIK IRGEMIZ

О́tken senbi, ıaǵnı 12 maýsym kúni Almaty oblystyq “Jasyl el” shtabynyń uıymdastyrýymen “Ýaqyt ónbes tirliksiz, baqyt kelmes birliksiz. Jastar qyzyl­aǵash­tyqtarmen birge” atty aksııa ótkizildi. Aksııa aıasynda “Jasyl eldiń” 60 eńbek jasaqshysy Qy­zylaǵash aýylyndaǵy 15200 túp aǵash kóshetin sýaryp, tazalyq jumystaryn jalǵastyrdy. Tas­qynnan zardap shekken aımaqty kógaldandyrý men kóriktendirý maqsatynda otyrǵyzylǵan bul aǵash kóshetteri qazirgi kezde tir­shiligi qaıta jandanǵan aýylmen birge kógerip, kóktep keledi. Ja­syl­eldikter budan basqa qurylys, saıabaqty qorshaý jumystaryna da belsene aralasýda. “Nur Otan” partııasy men “Jas Otan” jastar qanatynyń, “Jasyl el” jastar eńbek jasaq­tary respýblıkalyq shtabynyń bastamasymen, Almaty oblysy­nyń ákimdigi jáne Almaty oblys­tyq “Jasyl el” shtabynyń uıym­dastyrýymen qyzylaǵashtyqtarǵa kómektesý maqsatynda arnaıy quryl­ǵan jasyleldikterdiń qura­ma eńbekshi jasaǵy óz jumysyn 2010 jyldyń 15 sáýirinde bastaǵan bolatyn. Sol ýaqyttan beri jasyl­eldik 160 sarbaz Qyzylaǵash aýylyn qalpyna keltirý, abattan­dyrý jáne kógaldandyrý jumys­tarymen aınalysyp keledi. Naq­tyraq aıtatyn bolsaq, olar osy ýaqytqa deıin 15,5 gektar aýmaqty alatyn saıabaqqa emen, terek, qaıyń, qaraǵash kóshetterin otyr­ǵyzdy. Jasaqshylar “Qap­shaǵaı qurylys” jáne “Qapshaǵaı In­jınırıng” qurylys kompanııa­lary­men birge 3 turǵyn úı salýǵa kómektesti. Qurylys alańyna áke­lingen 34000 dana kirpishti túsirip, jınaý jumysymen de negizinen osy jastar aınalysty. Eseli eńbek etip jatqan jastar eńbekaqy máselesine de kóp bas aýyr­ta qoımaıdy. Atqarylǵan jumys­qa oraı jalaqy ýaqytynda tólenedi. Olar jumys kıimi, nárli taǵam jáne jatyn orynmen de tolyqtaı qamtamasyz etilgen. Aýy­­ryp-syrqaı qalǵandarǵa medısınalyq járdem de ýaqy­tynda kórsetiledi. Aýyl shetindegi shatyrly qala­shyqqa qonystanǵan jasaq­shy­lar­dyń ónimdi eńbek etip, demalýyna barlyq jaǵdaı jasalǵan. Demalys ornyna teledıdar, DVD qoıylyp, Internet jelisi iske qosylǵan. Sarbazdardyń bos ýaqytyn tıimdi uıymdastyrý úshin arnaıy máde­nı-demalys ortalyǵy jumys is­teı­­di. Jastar jumystan bos ýa­qyt­­ta gazet-jýrnaldar oqıdy, shah­mat, doıby oınap, sózjumbaq sheshedi. Keshki mezgilde shatyrdan gıtara, dombyra sekildi mýzyka­lyq aspaptardyń úni de jıi estiledi. Jasyleldik eńbek jasaqshy­lary jemisti jumystaryn aldaǵy ýaqytta da júıeli jalǵastyrmaq nıette. Kúmisjan BAIJAN. Almaty oblysy.