Respýblıka aýmaǵynda «Mıgrant» jedel-profılaktıkalyq is-sharasy ótkizildi, dep habarlaıdy Egemen.kz Polisia.kz-ke silteme jasap.
Bes kúnde kóshi-qon zańnamasyn buzýdyń 10 myńnan astam deregi anyqtaldy.
– elde bolý erejelerin buzǵany úshin 4475 sheteldik;
– zańsyz jumys istegeni úshin 2118 sheteldik;
– 613 jumys berýshi sheteldik jumys kúshin zańsyz paıdalanǵany úshin;
– 2624 jeke jáne zańdy tulǵa ózderimen birge júrgen sheteldikter týraly polısııaǵa der kezinde habar bermegeni úshin jaýapkershilikke tartyldy.
Sonymen qatar qos azamattyqtyń 9 faktisi anyqtaldy, sheteldikterge elde turýǵa berilgen 113 yqtııarhat kúshin joıdy.
Kóshi-qon zańnamasyn buzǵandardy elden shyǵarý týraly 850 sot sheshimi shyǵaryldy. 121 sheteldik elden májbúrli túrde shyǵaryldy. Barlyq deportasııalanǵandarǵa bes jylǵa Qazaqstanǵa kirýge tyıym salynady. Izdeýde júrgen 37 sheteldik ustaldy.
Kóshi-qon qyzmeti elge sheteldikterdi shaqyratyn qazaqstandyqtarǵa shaqyrylǵan sheteldik azamattardyń elden ýaqtyly ketýin uıymdastyrý qajettigin eske salady. Qaýipsizdik pen qoǵamdyq tártiptiń saqtalýyn qalaıtyn azamattardyń arqasynda polıseıler birqatar zań buzýshylyqty anyqtady.
Mysaly, Almatyda jeke jataqhana ıesi jataqhanada turatyn kúdikti adamdar týraly kóshi-qon qyzmetine aryzdanǵan. Tekserý barysynda 30 sheteldiktiń kelý merzimin buzǵany anyqtaldy.