Akademııalyq adaldyq

Is-shara Ǵylym jáne jo­ǵary bilim mınıstrliginiń qoldaýymen uıymdastyry­lyp, «Zań jáne tártip» qaǵıda­tyn ilgeriletýge baǵyttalǵan. Jıyn­ǵa gıbrıdti format­ta otan­dyq joǵary oqý oryn­da­rynyń 300-den astam ókili, onyń ishinde oqý isi jónindegi prorektorlar, oqý isi jónindegi basqarma basshylary jáne ýnıversıtettiń professor­lyq-oqytýshylyq quramy qatys­ty. Bilim salasynyń júgin kó­tergender keleli oı aıtyp, óz pikirlerin bildirdi. Semınar­dy Bilim komıteti tóraǵasynyń orynbasary Janna Esinbaeva ashty.

– Akademııalyq adaldyq bú­gingi tańda óte ózekti taqyryp. Talqylaýdy qajet etetin, áli sheshimi tabylmaǵan birneshe másele bar. Bul baǵytta mı­nıstrlik birqatar qujat, onyń ishinde tujyrymdama men ádistemelik quraldar qa­byl­­daǵany belgili. Sondaı-aq elimizdiń 18 joǵary oqý or­ny kiretin Akademııalyq adal­dyq lıgasy jumys jasap otyr. Semı­nardyń nátıjesi re­tin­de naq­ty ustanymdar men usy­nystar kútemiz, – dedi ol.

Sondaı-aq Ǵylym jáne jo­ǵary bilim salasyndaǵy Sapa­ny qamtamasyz etý komıte­ti­­­niń Syrtqy baǵalaý jáne tal­­daý basqarmasynyń basshy­sy Qarlyǵash Sákenova «Aka­demııalyq adal­dyq – nor­ma­­tıv­tik qamta­masyz etý aspe­k­tile­ri» atty baıandama oqydy. Maqsut Narik­bayev University pro­vosty Ser­geı Pen stýdentter­diń aka­de­mııalyq adaldyǵy­nyń n­egiz­gi ustanymdary týra­ly aıt­ty. Táýelsiz akkredıt­teý jáne reıtıng agenttiginiń bas dırek­torynyń keńesshisi Olga Iаnov­skaıa joǵary bilim sapa­sy men akademııalyq adaldy­ǵyn qamtamasyz etý mádenıetin ilgeriletý taqyrybynda qy­zyq­ty baıandama jasady.

Semınar barysynda son­daı-aq H.Dosmuhamedov atyn­daǵy Atyraý ýnıversıtetiniń pro­rektory Ashat Chýkýrov ma­gıstrlik dıssertasııany qorǵaý mysalynda aka­de­­mııa­­lyq adaldyqty saqtaý má­se­­leleri, L.N.Gýmılev atyn­­daǵy EUÝ sıfrlyq damý jáne qashyqtyqtan oqy­tý depar­tamentiniń dırektory Gúlmıra Bekmanova akade­mııa­lyq adaldyqty saqtaý jo­lyn­daǵy zamanaýı tásilder jáne jasandy ıntellekt dáýi­rindegi akademııalyq adal­dyq taqyrybynda Astana IT ýnıversıteti profes­sory­nyń assıstenti Beıbit Ábdi­kenov baıandama jasady. Mo­derator Joǵary bilim sapasyn qamtamasyz etýdiń ult­tyq júıesin reınjınırıng arqyly Qazaqstandaǵy ýnı­versıtetterdiń básekege qa­bilettiligin arttyrý jónindegi baǵdarlamalyq-maqsattyq qar­jylandyrý jobasynyń ǵy­lymı jetekshisi Aıdos Mu­qa­taev boldy.

Usynylǵan baıandamalardy talqylaý nátıjeleri boıynsha semınarǵa qatysýshylar otandyq joǵary oqý oryndaryna birshama úndeý jasady. Stýdentter, professorlyq-oqytýshylyq quram jáne ýnıversıtet qyzmetkerleri ara­syndaǵy quqyq erejelerin qa­tań saqtaýǵa shaqyrdy. Ymy­rasyz qatynasty jáne zań­dy qurmetteý mádenıetin qalyp­tastyrý, kúndelikti ómirde adal­dyqty damytý, sonymen qatar Akademııalyq adaldyq kodeksiniń qaǵıdalaryna mán berip, erekshe nazar aýdarýdy usyndy. Jalpylama alǵanda, sarapshylardyń usynystary joǵary bilim berý júıesinde «Zań jáne tártip» qaǵıdatyn nyǵaıtýǵa baǵyttalǵan.