60 myńdaı talapker test tapsyrdy

Ulttyq testileý ortalyǵynyń aqparatyna súıensek, naýryz aıyn­daǵy UBT bastalǵannan beri tes­tileýdi tapsyrǵan 60 myńdaı talap­kerdiń 71,49%-y qazaq tilinde, 29,39%-y orys tilinde, 70 adam aǵyl­shyn tilinde testileýden ótti. UBT bastalǵaly shekti upaıdy 69,26%-ǵa jýyq talapker jınady. Or­tasha upaı 65,08 baldy qurady. Al eń joǵary upaı – 137.

Testileýge qatysýshylardyń ba­sym bóligi «matematıka-fızıka» 17,38% jáne «Bıologııa-Hı­mııa» kombınasııasyn 15,91%-dan tap­syrdy. Sondaı-aq eń kóp tań­dal­ǵan kombınasııalar qataryna talap­kerlerdiń 11,75% tańdaǵan «ma­te­matıka-ınformatıka» kombına­sııasy kirdi. Eń az tańdalǵany «hımııa-fızıka» kombınasııasy boldy, bul boıynsha testileýdi 76 adam tapsyrǵan.

«Búgingi tańda 81 ereje buzý­shy­lyq anyqtalǵan. Onyń ishinde 50 talapker smartfon, shpargalka jáne basqa da tyıym salynǵan zattardy alyp ótý áreketi kesirinen test tapsyrý múmkindiginen aıyryldy. Testileý kezinde erejelerdi buzǵany úshin aýdıtorııadan 31 adam shyǵarylyp, olardyń nátıjeleri joıyldy. Bógde tulǵalar anyq­talǵan joq. Erekshe bilim berý qajet­tilikteri bar oqýǵa túsýshiler úshin qolaıly jaǵdaı jasaýdyń arqasynda UBT-ǵa eki aptada 148 talap­ker qatysty», dep habarlady Ulttyq testileý ortalyǵy.

Naýryz UBT-sy osy aıdyń 30-na deıin jalǵasady. Naýryzdaǵy UBT-ǵa shartty túrde aqyly negiz­de kúndizgi oqý nysany bo­ıyn­sha joǵary oqý oryndaryna qabyldanǵan, ótken jylǵy mek­tep jáne kolledj túlekteri, Qazaq­stan azamaty emes ulty qazaq tulǵalar, sondaı-aq mektep bitiretin túlekter joǵary oqý oryndaryna aqyly negizde túsý úshin qatysady. Qatysýshylar testileý ótkiziletin oryndy, kúndi jáne ýaqytty ózderi tańdaıdy. UBT-daǵy pánderdiń sany ózgerissiz qaldy, ıaǵnı úsheýi mindetti jáne ekeýi tańdaý boıyn­sha. Biraq «Oqý saýattylyǵy» men «Matematıkalyq saýattylyq» min­detti pánderinen tapsyrmalar sany 5 suraqqa qysqardy. Al beıin­di pán­derdiń suraqtar sany artyp, 40 test tapsyrmasynan turady. Atap ótsek, beıindi pánderde berilgen tizim­nen sáıkestikti anyqtaýǵa ar­nalǵan 5 tap­syrma qosyldy. Osy­laısha, UBT tapsyrmalar sany óz­gerissiz qalady, jalpy 120 suraqty qurady. Onyń ishinde «Qazaqstan tarıhynan» 20 tapsyrma, «Oqý sa­ýattylyǵynan» 10 tapsyrma, «Ma­tematıkalyq saýattylyqtan» 10 tapsyrma jáne eki beıindi pán ­boıynsha 40 tapsyrma. Joǵary ball – 140, ol da ózgerissiz qaldy. Testileý ýaqyty – 4 saǵat (240 mınýt). Al erekshe bilim berý qajettilikteri bar balalar úshin usynylatyn qosym­sha 40 mınýt ýaqyt saqtalady.

Talapkerler testileý aıaqtal­ǵan­nan keıin 30 mınýt ishinde apel­lıasııaǵa bere alady. Sertı­fı­­kat apellıasııa týraly she­shim qa­byldanǵannan keıin testilený­shi­niń jeke kabınetinde qoljetimdi bolady. Osy oraıda 2024 jyl­ǵy UBT aıaqtalǵannan keıin kúntiz­be­lik jyldyń 31 qazanyna deıin tes­tileýdiń beınejazbalaryna taldaý júrgiziletinin, tyıym salynǵan zattardy paıdalaný nemese erejelerdi buzý faktileri anyqtalǵan jaǵdaıda túsýshiniń UBT nátıjeleri joıylatynyn, tipti tegin oqýǵa túsken adamnyń granttan aıyrylatynyn eske sala ketken jón.