Qarýly kúshterdiń Raıymbek batyr atyndaǵy desanttyq-shabýyldaý brıgadasy rotasynyń starshınasy 3-synypty serjant Seıitjan Asylbekovtyń otbasynda úshem dúnıege keldi, dep habarlaıdy Egemen.kz.
Sábıler Almaty qalasynyń perınataldyq ortalyǵynda dúnıege keldi.
Seıitjan men Mınıra Asylbekovtardyń otbasynda on bir jasar qyzy Dıana ósip keledi. Olar uzaq ýaqyt boıy ekinshi balanyń bolýyn armandaǵan, biraq kútpegen jerden úshem dúnıege keldi. Uldarǵa Suńqar jáne Zańǵar, al qyzǵa – Syrǵalym degen esimder qoıyldy.
«Áıelim úshemge júkti ekenin bilgende qatty tań qaldym. Meniń de, onyń da tuqymdarynda egizder bar, biraq eshkimde úshem bolmaǵan. Men baqyttymyn. Ishimnen ul bolsa eken dep tiledim. Armanym oryndalyp, birden eki ul men bir qyz ómirge keldi. Endi úlken otbasymnyń aldynda úlken jaýapkershilik arqalaǵanym sezilip otyr», dedi serjant Seıitjan Asylbekov.
Sábıli bolǵan erli-zaıyptylardyń ómiri de túbegeıli ózgerdi. Sebebi Asylbekovtar jataqhanadaǵy bólmeden keń páterge kóshýdi josparlap otyr.