Áz Naýryz merekesiniń shyǵý tarıhy týraly el arasynda túrli dálel-dáıek aıtylyp kele jatqany málim. Al qazyǵurttyqtar «Naýryz Qazyǵurttan bastaý alady» degenge senedi. Dál osy taqyrypta aýdanda Ulystyń uly kúnine arnalǵan úlken merekelik is-shara ótti.
Merekelik is-sharada Altybaqan qurylyp, sporttyń birneshe túrinen saıys, kórme, Qazyǵurt týraly ańyzdy beıneleıtin sahnalyq qoıylymdar men án shashý uıymdastyryldy. Sonymen qatar kelgen qonaqtarǵa dám taratylyp, ulttyq dástúrge saı kıiz úıler tigildi. Merekelik konsertke «Shanshar» ázil-syqaq teatry, ánshi Jandos Qarjaýbaı jáne О́zbekstan memleketinen sırk ónerpazdary arnaıy shaqyryldy. Barlyǵy halyq kóńilinen shyǵyp, jınalǵan jurt sahna syıyna tánti boldy. Mereke barysynda aq jaýlyqty analar men ájeler shashý shashyp, danagóı aqsaqaldarymyz aq batasyn berdi. Aýdan ákimi A.Ismaılov merekege jınalǵan jurtty quttyqtap, elimizdiń amandyǵyn, tynyshtyǵyn, ár otbasyna baqyt, qýanysh, jaqsy kúnder tiledi.
Túrkistan oblysynda «Naýryz – jańarý men jańǵyrýdyń, tatýlyqtyń bastaýy» kúni aıasynda aǵash egý jumystary qarqyndy júrgizilgenin aıta ketelik. Bul kúni oblys boıynsha 80 myńǵa jýyq kóshet egildi. Oblysqa qarasty 17 aýdan, qalanyń saıabaqtary men gúlzarlarǵa, sonymen birge eldi mekenderdi qosatyn jol boılary, mektepter men ortalyq kóshelerge otyrǵyzylǵan aǵashtardyń basym bóligi – terek, qaraǵash, úıeńki, arsha, sırııalyq raýshan, shaǵan syndy jergilikti klımatqa beıimdelgen. Mysaly, Maqtaaral aýdanynda 5 550 túp kóshet egilse, onyń 4 500-i – qaraǵash, 200-i – sırııa raýshany, 250-i – sabyn aǵashy jáne 600-i legýstrým.
Túrkistan oblysy