Rıdder qalasynda Ulystyń Uly kúni Naýryz merekesi jalǵasyn taýyp jatyr. Búgin tazalyq kúninde rıdderlikter qaladan 10 shaqyrym jerde ornalasqan ulttyq tabıǵı qoryq aýmaǵyndaǵy qalyń qardyń astyndaǵy bulaqtyń kózin ashty, dep habarlaıdy Egemen.kz.
Beıbitshiliktiń besigi bolǵan ıgi bastamaǵa qaladaǵy 12 etnomádenı ortalyqtyń ókilderi, jastar jáne qarııalar da belsene qatysty. «Jolaýshy bolsań, osy aq bulaqtaı taza bol!» uranymen ótken is-shara munymen shektelip qalmaıdy. Qar erip, jer kepken soń bulaqtyń mańy tazalanyp, abattandyrý jumystary júrgiziledi. Bul jer jolaýshylap kele jatqan adamdar toqtap sý iship, tamasha tabıǵat aıasynda demalatyn orynǵa aınalady.