Tanymal dızaıner Aıda Qaýmenova «Juldyzdy shańyraq» baǵdarlamasyna suhbat berip, kópshilik bile bermeıtin qupııasyn ashty, dep habarlaıdy Egemen.kz.
Ol aldymen ata-anasy týraly áńgimeledi. Ákesi mamandyǵy boıynsha ekonomıst bolyp qyzmet etken.
«О́te myqty adam, meniń minezim ákeme uqsaǵan. Ákem men anam Almatyda kınotehnıkýmda birge oqyǵan, alǵashynda dos bolyp aralasyp júrgen. Bir kúni ákem anama «Larısa, seni anammen tanystyrý úshin aýylǵa aparǵym kelip otyr» dep aıtqan, anam ol kezde qazaqtyń eshqandaı salt-dástúrin bilmegendikten, kelisip, aýylǵa barypty. Sodan aýyldaǵy úıge kirgennen týystar shashý shashyp, aq oramal japqan. Anam kónip, qalypty. Anam ulty basqa bolǵanymen, qazaq tilinde bizden jaqsy sóıleıdi», dedi Aıda Qaýmenova.
Dızaıner boıynda úsh ulttyń qany bar ekenin moıyndady.
«Kishkentaı kezimde bir apam orys, ekinshisi qazaq bolatyn. Orys apamnyń qolyna barsam, oryssha sóılep ketetinmin, keıin qazaq apama kelsem, úndemeı otyratyn edim. Sodan olar «myna qyzdy endi eshqaıda jibermeý kerek, úndemeı qalypty» dep ázildeıtin. Negizi boıymda úsh ulttyń qany bar, ıaǵnı belarýs, tatar, qazaq», dedi dızaıner.