23 naýryz kúni Ázerbaıjan astanasy Bakýde bastalǵan halyqaralyq týrnırdiń ekinshi kúninde otandasymyz Bekzat Tańatar ózbek boksshysy Samandar Djalolovtan basym tústi, dep jazady Egemen.kz.
Uly Jibek joly - 2024 halyqaralyq boks básekesinde 25 naýryz kúni 3 el sportshysy sharshy alańǵa shyqty.
Keshe synǵa túsken jerlesterimizdiń barlyǵynyń mereıi ústem boldy.
Alǵash bolyp sharshy alańǵa shyqqan 60 keli salmaq dárejesinde qolǵap túıistirgen Talǵat Syrymbetov Vengrııalyq Mark Adolf Baloqty qapy qaldyrsa, 70 kelide Darhan Dúısebaı jarys qojaıynynan aılasyn asyrdy.
«Al 86 keli salmaq dárejesinde Bekzat Tańatar asa tartysty ótken jekpe-jekte О́zbekstannyń tájirıbeli boksshysy Samandar Djalolovtan jeńisti julyp aldy. О́te qarqyndy ótken aıqasta ekeýi de aıanyp qalǵan joq. Biraq jeńiske degen qushtarlyǵy basym bolǵan jerlesimiz naǵyz pancherlik boks úlgisin kórsetti», dep jazdy Qazaqstan boks federasııasy.