Parlament Senatynyń depýtattary Ujymdyq qaýipsizdik týraly shart uıymy Parlamenttik Assambleıasynyń turaqty komıssııalarynyń otyrystaryna qatysty, dep habarlaıdy Egemen.kz Senattyń baspasóz qyzmetine silteme jasap.
Andreı Lýkın men Alısher Satvaldıev UQShU-nyń Saıası máseleler jáne halyqaralyq yntymaqtastyq jónindegi turaqty komıssııasynyń quramynda basqa elderden kelgen áriptesterimen birge mańyzdy kún tártibin talqylady.
Sergeı Ershov pen Gennadıı Shıpovskıh Qorǵanys jáne qaýipsizdik máseleleri jónindegi otyrysta ınternet keńistigindegi jumysqa baılanysty UQShU-ǵa múshe memleketterge arnalǵan usynymdar jobasyn qarady.
Al Álibek Náýtıev pen Rýslan Rústemov Áleýmettik-ekonomıkalyq jáne quqyqtyq máseleler jónindegi komıssııa otyrysynda kóshi-qon máselesi týraly usynymdar jobasyn daıyndaý boıynsha jumystardyń barysyn talqylady.