Pavlodar oblysynda úsh ákim sógis aldy. Olar sý tasqynyna qarsy sharalardy jasamaǵan, dep habarlaıdy Egemen.kz.
Ravlodarnews.kz jazǵandaı, Pavlodar oblysynyń ákimi qalalar men aýdandardyń ákimderimen sý tasqyny jaǵdaıy boıynsha jınalys ótkizdi. Sý tasqyny jaǵdaıyna erekshe nazar aýdarylǵanyna qaramastan, birqatar ákim bul tapsyrmany oryndamaǵan jáne sý tasqynyna qarsy qajetti is-sharalardy tıisti deńgeıde júrgizbegen.
- Buǵan deıin osy máseleni talqylaý barysynda barlyq ákimderge qardy ýaqytyly shyǵarý jáne turǵyn úılerdi sý basyp qalýyna jol bermeý úshin jeke bastarymen jaýapty ekenderin eskertken bolatynmyn. Pavlodar men Tereńkól aýdandarynyń, sondaı-aq, Aqsý qalasy ákimderiniń jumysyn qanaǵattanarlyqsyz dep sanaımyn. Sý tasqynyna qarsy is-sharalardy júrgizýdegi baqylaýdyń álsizdigi úshin olarǵa qatań sógis jarııalandy, - dep jazdy óńir basshysy Asaıyn Baıhanov óziniń Telegram-daǵy kanalynda.
Eske salaıyq, buǵan deıin Oral ákimi Mırjan Satqanovqa qatań sógis jarııalanǵan.