Abaı oblysy Aqsýat aýdanynda tótenshe jaǵdaı jarııalandy. Bul týraly oblys ákimdiginiń baspasóz qyzmeti habarlady, dep jazady Egemen.kz.
«Búgin Aqsýat aýdandyq jedel shtabtyń kezekti otyrysy ótti. Shtab otyrysynda tasqyn sý saldarynan kelgen zalaldardy qalpyna keltirý jumystaryn júrgizý maqsatynda Aqsýat aýdanynyń ákimdigi «Azamattyq qorǵaý týraly» QR zańynyń 48-babyna jáne 50-babyna sáıkes, 2024 jyldyń 28 naýryzynan bastap, jergilikti aýqymdaǵy tabıǵı sıpattaǵy tótenshe jaǵdaı jarııalady», delingen habarlamada.
Sondaı-aq qarǵyn sý saldarynan jol qatynasy úzilgen aýyldardy qajetti deńgeıde azyq-túlikpen, basqa da kúndelikti tirshilikke qajettiliktermen qamtý máselesi pysyqtalyp, tıisti sala basshylaryna naqty tapsyrmalar júkteldi.