«GLOBAL-Spesodejda» tigin kásipornynyń sheberleri Aqtóbe oblysynda kúndiz-túni sý tasqynymen kúresip jatqan jandarǵa 1057 birlik arnaıy kıim tikken, dep habarlaıdy Egemen.kz.
Yńǵaıly jáne jyly kıim jıyntyqtary Aqtóbe qalasy men oblys aýdandarynyń qutqarýshylary men eriktilerine tegin taratyldy.
«Kóktemgi sý tasqyny Aqtóbe turǵyndaryn biraz ábigerge saldy. Biz osyndaı qolaısyz aýa-raıynda eńbektenip, turǵyndarǵa kómektesip jatqan jandarǵa óz úlesimizdi qosqymyz keldi. Olarǵa alǵystan basqa aıtarymyz joq», dedi kásiporyn basshysy Nadejda Shabaeva.
Odan bólek, «GLOBAL-Spesodejda»qyzmetkerleri sý tasqynyna qarsy is-sharalarǵa qatysýshylardy ystyq tamaqpen de qamtamasyz etip jatyr.