Respýblıkalyq «Jas tilshiler» forýmyn ótkizýdi dástúrli sharaǵa aınaldyrǵan ál-Farabı atyndaǵy Qazaq ulttyq ýnıversıtetine bıyl da elimizdiń túpkir-túpkirinen 60-tan astam talapker jınaldy.
Bolashaq jýrnalısterdiń shyǵarmashylyǵyn shyńdap, joldama beretin «Jas tilshiler» forýmynyń shejiresi tereńde jatyr. Alǵash respýblıkalyq «Jas tilshiler» sleti 1975 jyly mamyr aıynda ótken edi. Onyń bastaýynda O.Súleımenov, F.Ońǵarsynova, D.Stambekov, Sh.Smahanuly syndy tanymal aqyn-jazýshylar turǵany belgili.
Sońǵy jıyrma jylda jańa formatta, zamanaýı úlgide ótip júrgen «Jas tilshiler» forýmy bıyl da bolashaq jýrnalıster úshin jańa baǵdarlamalarymen erekshelendi. Forýmnyń ashylýynda jýrnalıstıka fakýlteti Baspasóz jáne elektrondy BAQ kafedrasynyń meńgerýshisi, professor Gúlmıra Sultanbaeva men aǵa oqytýshy Serik Jumabekuly qoǵamdaǵy jýrnalıstiń róline toqtalyp ótti.
«Jas tilshiler» forýmy barysynda gazet tilshisiniń jumysy týraly belgili qalamger-jýrnalıst Júsipbek Qorǵasbek, televızııadaǵy qyr-syryna Jańylhan Asylbekova, jýrnalısıka negizderi boıynsha Berikbol Tólegen sheberlik-synyptaryn ótkizdi.
Forým sońynda eń úzdik shyǵarmashylyq jumystar marapattaldy. «Eń úzdik jas tilshi – 2024» qorytyndysy boıynsha bas júldege «Ulan» gazetiniń jas tilshisi, Abaı oblysy Semeı qalasyndaǵy №11 mektep oqýshysy Dıana Aǵzamovanyń jumysy laıyq dep tanyldy.
Forým sońynda ál-Farabı atyndaǵy QazUÝ jýrnalıstıka fakýlteti jeńimpazdarǵa syılyqtar úlestirdi.
ALMATY