Búgin Almaty oblysynda qar kóshkini júrip, joldy jaýyp qaldy, dep habarlaıdy Egemen.kz.
Túrgen – Batan aýyldaryn jalǵaıtyn avtojoldyń 23-shi shaqyrymynda bolǵan kóshkinniń jalpy kólemi 200 tekshe metrge jýyqtaıdy. Mamandardyń málimetinshe, qıraǵan nysandar men zardap shekkender joq. Qazir joldy tazalaý jumystary júrgizilip jatyr.
Tótenshe jaǵdaılar departamentiniń mamandary kúnniń kúrt jylynýyna baılanysty taýly aımaqtarda qar kóshkini júrý qaýpi joǵary ekenin alǵa tartty.
«Almaty oblysynyń aýmaǵynda Ile-Alataýdyń ońtústik betkeılerinde, ıaǵnı, Eńbekshiqazaq, Talǵar jáne Qarasaı aýdandarynda 55 qar kóshkini júretin ýchaskeler anyqtaldy. Negizgi qar kóshkininiń túsýi aýa temperatýra fonynyń joǵarylaýynan jáne jańbyr men qar aralas mol jaýyn-shashynnyń túsýine baılanysty bolady. Sondyqtan taýǵa shyqqanda qaýipsizdik erejelerin qatań saqtaýlaryńyzdy suraımyz», deıdi Almaty oblystyq TJD basqarma basshysy Dáýren Azamatov.