Jas tehnologter tabysy

RoboLand – elimizdegi al­ǵash­qy jáne iri robottehnıkalyq joba. Jas óner­tap­qyshtardyń bir alańda toǵy­syp, tájirıbe almasatyn orta­syna aınaldy. Tehnıkalyq shy­ǵar­mashylyq pen jańa tehno­logııa­lardyń jarysatyn eń aýqymdy forýmy. Bul saıys 2015 jyldan beri ót­kizilip keledi. 2016 jyldan bastap halyqaralyq mártebege ıe boldy. Eń alǵash 5 atalym boıynsha 30 komanda baq synasqan.

Festıvaldyń negizgi uıym­dastyrýshylary – Oqý-aǵar­tý mınıstrligi, «Kazdidac» qaýym­dastyǵy, Qaraǵandy oblysynyń bilim basqarmasy, oblystyq oqý-ádistemelik ortalyǵy. Bul jol­ǵy halyqaralyq baıqaýǵa 678 oqý­shydan quralǵan 348 koman­da qatysty. Iаǵnı jas tehno­log­terdiń jármeńkesindeı jarasym tapty.

Festıvaldyń ashylý saltanatyna oblys ákiminiń orynbasary Erlan Qusaıyn, oblystyq bilim basqarmasynyń basshysy Gúlbaqyt Serikjanova qaty­syp, jas órenderge sáttilik tiledi. Bala­­lardyń shyǵarmashylyq bel­­send­iligin damytýǵa yqpal etý, teh­­nıkalyq pánderdi meń­gertý, bilim berýdegi robottehnı­ka­nyń múmkindikterin tanytý maqsa­tyn­da ótip jatyr.

– Keıingi jyldary Memleket basshysynyń tikeleı qoldaýy­men IT, robottehnıka salasyna mán berilip, qoldaý kórsetilip kele­di. Osy baǵytta júzdegen is-shara, úlken jobalar júzege asyrylyp otyr. Solardyń biri ári bire­geıi – «RoboLand-2024» baı­qaýy. Osy aýqymdy is-shara­nyń bastaýynda turǵan azamattarǵa rızashylyǵymdy bildiremin. Osy is-sharaǵa ýaqytyn bólip, ar­naıy kelip qatysyp jatqan barlyq komandaǵa jáne ustazdarǵa, oqý­shylarǵa alǵysymdy aıtqym ke­ledi. Kezinde Alash arysy Mir­ja­qyp Dýlatuly «Teńdikke jetsek te, jurttyǵymyzdy saqtasaq ta, dúnıeden sybaǵaly ornymyz­dy alsaq ta, bir ǵana oqýdyń ar­qasynda alamyz. Jaqsylyqqa bas­taıtyn jaryq juldyz – oqý» degen eken. Búgingideı báseke men bilimniń zamanynda bul másele óziniń ózektiligin joıǵan joq. Sondyqtan qadirli oqýshylar, eli­mizdiń erteńi ózderińiz sııaqty bilimdi, saýatty, myqty azamattar dep bilemiz, – dedi oblys ákiminiń orynbasary Erlan Beısembaıuly.

Jyl saıyn festıvaldiń dá­re­jesi artyp, sáıkesinshe, óner­tapqyshtardyń arasyndaǵy báse­kelestiktiń kúsheıip kele jatqa­ny kóńil qýantady. Ádettegideı, tir­keý men qorytyndylaýdyń elek­trondyq júıesi, sondaı-aq táýelsiz kásibı tóreshiler alqasy ózgerissiz qalady. Jarystyń bas tóreshisi – halyqaralyq sport­tyq jáne bilim berý robottehnıka­sy qaýymdastyǵynyń prezıdenti Maksım Vasılev.

– Bul festıval osymen 9- márte ótkizilip jatqandyqtan, úl­ken tájirıbemiz bar. О́ıt­ke­ni men bul saıysta birinshi ret bas tóreshi bolyp turǵan joq­pyn. Festıvalda is júzinde ózderi­niń bilim berý úderisterinde robottardy paıdalanatyn oqý­shylar qatysady. Robottardy óz­deriniń ustazdarynyń kómegi­men, nus­qaýymen jasap úırengen balalar baq synaıdy. Saıys qory­­­­tyn­dylary sekýndomer qorytyn­­­dysy men ball boıynsha shyǵary­la­dy, – deıdi bas tóreshi Maksım Vasılev.

Fınalǵa oza shyqqan óner­tapqysh órender 15 sanat boıynsha baq synasty. Sonymen qatar «RoboLand Kazakhstan» sanatyna ózgerister engizilgen eken. Iаǵnı qatysýshylar shyǵarmashylyq sanattaǵy jańa taqyryptar bo­ıynsha bilimderin dodaǵa saldy.

О́zbekstannan kelgen delega­sııanyń jetekshisi Eldar Appazov aldymen bul jerge tájirıbe alý úshin qatysamyz deıdi.

– RoboLand-qa biz tórtinshi ret qatysýdamyz. Bul – bedeldi alań­dardyń biri. Bizdiń elimizde mundaı deńgeıdegi festıvaldar ótkizilmeıdi. Keıin ózimizge engizý úshin tájirıbe jınap jatyrmyz dese de bolady. Bıyl úlken qurammen keldik. 6 jastan 18 jasqa deıingi 25 qatysýshymyz bar. Olar 12 sanatta baq synady. О́tken jyly oljaly qaıtqan­byz. Jalpy, komandalyq esepte ekin­shi orynǵa ıe boldyq, – deıdi Eldar Appazov.

Bishkekten kelgen Rınat So­vet­qanov bul festıvalǵa tór­tin­shi márte qatysyp otyr. Ol RoboLand-tyń birneshe dúrkin júl­degeri. Alǵash ret 2018 jyly mektep oqýshysy retinde qatys­ty. Al qazir I.Razzakov atyn­daǵy Qyrǵyz memlekettik tehnıka­lyq ýnıversıtetiniń birinshi kýrsynda oqıdy. Komandamen birge ekorobot qurýdy talap etetin shy­ǵarmashylyq sanatta óner kórsetti.

– Búkil álemde qorshaǵan ortany qorǵaý taqyryby óte ózekti. О́ıtkeni jahandyq jylyný jáne basqa da faktorlar júrip jatyr. Biz ekologııaǵa teris áserdi azaıtýǵa yqpal etkimiz keledi. Taza energııa óndirý úshin modýldik jel generatoryn jasadyq, – deıdi qatysýshy.

«RoboLand» festıvaline oqý­­shylar Robotmouse, robotty jınaý, teńge alý, sondaı-aq jas erekshelikteri boıynsha shy­ǵarmashylyq baǵyttaǵy saıys, Sýmo Grand, Sý robottarynyń labırıntti baǵyttary, labırınt jáne robogeometrııa boıynsha qa­tysty.

Bul joly da jarasym tapqan ónertapqyshtar jármeńkesi tartysty ótti. Júldegerler Alǵys­hat jáne estelik syılyqtarmen marapattaldy. Keler jyly oqý­shylar arasyndaǵy iri jobaǵa on jyl tolady. О́z kezeginde uıym­dastyrýshylar aýqymyn budan ármen keńeıtip, múmkindikti molaıtamyz dedi.

Bilim berýdegi ınnovasııa­lyq tásilderdi engizý sheńberinde oblysta 240-tan astam robot-tehnıka zerthanalary jumys isteıdi. Munymen qosa 700-ge jýyq ınformatıka jáne fızıka mu­ǵalimderi «Robottehnıkany oqytý ádistemesi» kýrsy boıynsha bilimderin jetildirgen bolatyn.

О́tken jyly «Murager» ma­man­dandyrylǵan mektep-lıseı-ın­ternatynyń oqýshylary robottehnıkadan AQSh-ta ótken chempıonattyń jeńimpazy atanyp, el tarıhynda tuńǵysh ret Champions Award syılyǵynyń qola júldegeri atanǵanyn jáne aıta ketýimiz qajet.

Qaraǵandy oblysy