Búgin sotta áıelin asa qatigezdikpen óltirdi dep aıyptalǵan Qýandyq Bıshimbaev Saltanat Núkenovany qalaı urǵanyn aıtyp berdi. Onyń aıtýynsha, ol Saltanat Núkenovany 3-4 ret tepken, dep habarlaıdy Egemen.kz.
Aıyptalýshy kýálik berý kezinde «Bau» meıramhanasynda bolǵan janjal týraly aıtyp berdi.
«Onyń shashynan ustap, betinen tórt ret qatty shapalaqpen urdym. Ol qulady. Taǵy ádeıi istep jatyr ma, álde ózin jaman sezindi me, túsine almadym. Onyń qandaı kúıde ekenin túsinbedim. Ol qulaǵan kezde men onyń jambasy men bóksesinen úsh-tórt ret teptim. Men ómirlik mańyzdy múshelerdi zaqymdaı almaıtynymdy jáne zaqymdamaýym kerek ekenin túsindim. Men ashýly kúıde ony tórt ret teptim. «Tur, ne istep jatyrsyń?!» dedim, ol ornynan turmady.Ssonda ony shashynan ustap, kótere bastadym. Ol jerde dárethana bar edi, men ony jýynsyn dep sol jerge súırep apardym. Sondaı-aq ózimı de jýyndym. Sol jerden ony taǵy shashynan ustap, 1-shi VIP bólmege apardym», dedi Qýandyq Bıshimbaev.
Eske sala keteıik, búgin Astanada áıeli Saltanat Núkenovany asa qatigezdikpen óltirdi dep aıyptalǵan Qýandyq Bıshimbaevtyń soty jalǵasyp jatyr. Kýálik berý kezinde eks-mınıstrdiń qorǵaýshysy sot pen proseske qatysýshylarǵa 2024 jyldyń naýryz aıynda túsirilgen sýretterdi kórsetkeni úshin sógis aldy.
Qyrmyzy JUMAǴALIQYZY,
EUÝ stýdenti