Astanada Qýandyq Bıshimbaevtyń isine qatysty kezekti sot otyrysy ótip jatyr. Bıshimbaev azamattyq nekedegi áıeli Saltanat Núkenova qaıtys bolǵan kúni qandaı áreket jasaǵanyn aıtyp berdi, dep habarlaıdy Egemen.kz.
Bıshimbaevtyń aıtýynsha, aqyr sońynda oqıǵa ornyna jedel járdem qyzmetkerleri shaqyryldy. Biraq Saltanat Núkenovanyń júrek qaǵysy dárigerler kelgenge deıin toqtap qalǵan.
«Baıjanovqa jedel-járdem shaqyr dedim. Ol jedel járdemge habarlasty, olar oǵan jasandy tynys pen júrek massajyn jasasyn dep aıtty. Saltanatqa sol jattyǵýlardy ózim jasadym. Oǵan jaqyndap, ıegin ashqym keldi, biraq súıegi qarysyp qalǵan edi. Adam qaıtys bolǵan kezde jaq súıekteri qarysyp qalatynyn biletinmin. Saltanattyń kóz jumǵanyn sol kezde túsindim. Artynan jedel járdem qyzmetkerleri de keldi», dedi Bıshimbaev.
Onyń aıtýynsha, ol Saltanattyń kóz jumǵanyn túsingen kezde shok kúıine túsip, ózin óltirmekti bolǵan.
«Shok kúıinde as úıge baryp, ózimdi pyshaqtaǵym keldi. Biraq polısııa qyzmetkerleri kelip, maǵan kedergi jasady», dep qosty aıyptalýshy.