Búgin Qýandyq Bıshimbaevqa qatysty qylmystyq is boıynsha kezekti sot otyrysy ótti. Prosess Astana qalasynyń qylmystyq ister jónindegi mamandandyrylǵan aýdanaralyq sotynda alqabılerdiń qatysýymen Joǵarǵy Sottyń YouTube-arnasynda tikeleı efırde kórsetildi, dep habarlaıdy Egemen.kz.
Sot otyrysy sottalýshydan jaýap alýdy jalǵastyrýmen bastaldy. Otyrysta sottalýshydan tolyq jaýap alý maqsatynda aıyptaýshy taraptyń ótinishhaty boıynsha baqylaý kamerasyna jazylǵan foto-vıdeo materıaldaryn jáne oqıǵa bolǵan jerdi qaraý hattamalary ishinara zertteldi.
Jumys ýaqytynyń aıaqtalýyna baılanysty otyrys 4 sáýir, saǵat 10:00-ge shegerildi.