Er-toqym men topataı Shet aýdanyndaǵy mýzeı sóresinde tur. Dáýir tarıhy, etnografııasy, tarıhı jádigerler jınaqtalǵan mýzeıdegi qos buıym kóneden kele jatyr.
Kóshpeli qazaq tarıhynda er-toqym qashannan qundy. Bul tarıhı jádigerdiń ıesi – Ordjonıkıdze atyndaǵy ujymshardy uıymdastyrýshy, 1937 jylǵy repressııanyń qurbany bolǵan Áıesh Kóbenuly. Bul kisi 1989 jyly aqtalady. Erdiń ústi qońyr tústi bylǵarymen qaptalǵan. Aldyńǵy qasy oıýlanyp, kúmistelgen. Aǵash jáne temir matrıaldaryn qoldanǵan. Tarıhı jádigerdi 2007 jyly mýzeı qoryna aýyl turǵyny Áıesh Ǵabıdolla tapsyrǵan eken.
Mýzeı sóresindegi taǵy bir kóne buıym – topataı. Topataı – aınalasy qalyń, aǵashtan ıip jasalǵan sút nemese sý quıatyn shuńǵyl ydys. Ishine quıylǵan sýsynnyń uzaq jáne bıologııalyq qurylymnyń saqtalýyna áseri mol. Bul ydysty aýyl turǵyny, qazaq kúresinen birneshe dúrkin túıe balýan atanǵan Samal Aınataev tapsyrypty.
Qaraǵandy oblysy,
Shet aýdany