Belgili memleket jáne qoǵam qaıratkeri О́mirbek Baıgeldini isker basshy retinde buryn da biletinmin. 1995 jyldan bastap óte jaqyn aralasyp, bir-birimizge syılas, qımas adamdar bolyp kettik.
Talaı ret úıinde qonaq bolyp, Mánsııa kelinniń qolynan dám tatyp, osynaý keń jazıra dalamyzdy qaıtsek tórt túlik malǵa toltyramyz, júdegen aýyldy qaıtsek kóteremiz, jyly ornyn sýytyp qala bezip ketken halyqty qaıtip ornyna qondyra alamyz ba eken dep birge tolǵanyp, birge qaıǵyrýshy edik. Mundaıda О́mekeńniń ár sózinen úlken kóregendiktiń, túbi joq tereń bilimniń, aqyl-parasattyń, elge degen shyn janashyrlyqtyń lebi esip turatyn edi. Eńbek jolyn mal sharýashylyǵy salasynda bastaǵandyqtan ba, dál ózim sııaqty áıteýir aýylǵa shyn jany aýyratyn. Meni О́mekeńdi kórýge, bolmasa bir sát qońyraý shalyp amandyǵyn bilýge asyqtyryp turatyn – onyń osy qasıeti edi. Oılap otyrsam, týǵan inimdeı bolyp ketken О́mirbekpen birge ótkizgen az ýaqyttyń ózi uzaq bir ǵumyrǵa tatıtyn qymbat shaqtar eken ǵoı.
Aıaýly azamatymyz, otbasymyzben aralas-quralas syılasyp júrgen ardaqty dosymyz ortamyzdan ketip jatyr degen sýyq habardy estip, baıyz taýyp otyra almadym. Anaý aspannyń astynda, mynaý jerdiń ústinde endi О́mirbek dosymnyń joq ekenin sezinip, kómeıime óksik tireldi. О́zegimdi órt qarydy. Baqul bol, aıaýly azamat, abzal dos! Janyń jánnat nuryna bólensin! Alla ornyńdy jumaq baǵynan etip, rýhyńdy ıman nuryna bólesin! Aldyń peıish, artyń kenish bolsyn!
О́mirbek Baıgeldi elge sińirgen eńbegi eren, taý tulǵaly, úlken júrekti, kesek minezdi, asa bilimdi nar qazaqtyń biri edi. Mánsııa kelinge, О́mekeńniń áýletine, urpaǵyna qaıǵylaryna ortaqtasyp, kóńil aıtamyn. Alla aldynan jarylqap, artynyń qaıyryn bersin. Kórnekti qaıratkerdiń, abzal azamattyń jatqan jeri jaıly, ımany kórkem bolsyn!
Kákimjan KARBOZOV,
Qostanaı oblysynyń Qurmetti azamaty Aýylsharýashylyq salasynyń qurmetti ardageri