Sheteldik ýnıversıtettiń dıplomyn alady

Ýnıversıtettiń granttyq qar­jy­landyrý aıasynda barlyǵy 12 joba júze­ge asyrylyp jatsa, onyń ishin­de «Jas ǵalym» konkýrsynyń 5 úmit­keri bar. Oqý ornynda ǵylym sala­syna naqty qoldaý bar ekeni ǵy­lymı jobalarǵa ótinish berýge ar­nalǵan qarjy kóleminiń ulǵaıýy­nan baıqalady. Aıtalyq, 2022 jyly Ǵylym jáne joǵary bilim mınıstr­ligi Ǵylym komıteti tarapynan ma­quldanǵan jobalardyń qarjy kóle­mi 17 mıllıon 407 myń teńge bolsa, byltyr bul kórsetkish kúrt ósip, 400 mıllıon teńgeden asqan. Bıyl ǵylymı zertteý granttyq konkýrs­taryna qarjy kólemi 3 mıllırad­tan asatyn 36 joba usynyldy. «Joǵa­ry oqý oryndarynda halyqaralyq qatynasty arttyrýdyń maqsaty – álemdik básekege qabiletti maman daıarlaý. Bizdiń ýnıversıtet tek qana pedagog mamandardy daıarlaıdy, ıaǵnı ǵylymı zertteý taqyrybynda erekshelik bar. Máselen, sońǵy kezde elimizde ınklıýzıvti bilim berýge kóp kóńil bólinip otyr. Bul órkenıetti elderde damyǵan sala. Bizdiń bolashaq mamandar shetelde taǵylymdamadan ótip, sol tájirıbeni ózimizge ákele alady. Bul baǵytta AQSh-tyń Kalı­fornııa, Germanııanyń Mıýnhen, Túrkııanyń Gazı ýnıversıteti sııaq­ty birneshe oqý oryndarymen baılanys ornaǵan. Sonyń ishinde baýyr­las túrki eliniń bilim berý jáne pe­dagogıka salasy boıynsha álem­degi jetekshi ýnıversıtetterdiń qa­ta­ryndaǵy 27-orynnan tabylatyn Gazı ýnıversıtetimen strategııa­lyq seriktestik ornatyp, fılıalyn ashý josparymyzda bar», deıdi ýnı­versıtettiń ǵylymı jumystar jáne ınnovasııalar jónindegi prorektory Erjan Kerimbekov.

Gazı ýnıversıtetiniń fılıalyn ashý boıynsha tıisti qujattar men kelisimsharttar byltyr atal­ǵan sheteldik oqý orny tarapynan rásimdelip, Túrkııa Joǵary bilim ke­ńe­sine usynylǵan. Fılıaldy ashý Túrkııa Respýblıkasynyń zań­na­masyna sáıkes Prezıdent Jar­lyǵymen rásimdeledi. «Fılıal aıasynda iske asyrylatyn eki qosdıplomdy ári ortaq bilim berý baǵdarlamalary fızıka jáne aǵylshyn tili pedagogin daıarlaý boıynsha bizdiń oqý orny tarapynan QR BBB reestrine tir­kel­gen. Aıta keterligi, buǵan deıin táji­rıbede bolǵanyndaı, qazaq-túrik ynty­maqtastyǵy nátıjesindegi jo­ǵary oqý ornynda elimizdiń bilim berý baǵdarlamasy oqytylǵan bolsa, bizde halyqaralyq talapqa saı Túrkııa bilim berý baǵdarlamasynyń ozyq tájirıbesi men ádistemesi úıretiledi. Gazı ýnıversıteti fılıalyn ashýdaǵy erekshelik te osy bolyp tur», deıdi Erjan Kerimbekov. Fılıal ashýda tańdaýdyń túrkııalyq oqý ornyna túsýiniń ózindik sebepteri de bar. Prorektordyń málimdeýinshe, birinshiden, Gazı ýnıversıteti bilim berý baǵdarlamasy halyqaralyq ta­laptarǵa saı, dúnıejúzindegi oqý oryndary arasynda 27 orynda turǵan ýnıversıtet. Ekinshiden, pedagog maman daıarlaý tek bilim berýmen emes, tárbıe arqyly da júzege asatynyn eskersek, túrik eli bolmysy men dás­túr-salty qazaqqa jaqyn, baýyrlas el. Qazirgi tańda oqytýshylar men stýdentterge aldyn ala daıyndyq barysy boıynsha ýnıversıtette túrik tilin oqytý ortalyǵy jumys isteıdi. Til úırený tegin. Bul oraıda Túr­kııa Bilim mınıstrliginiń qyzmetkeri Omer О́zdemır arnaıy kelip sabaq berip júr. Kýrs Túrkııanyń Almaty qa­lasyndaǵy Bas konsýldyǵynyń tike­leı qoldaýymen júrgiziledi.

Oqý ornynda stýdentterdiń she­tel­dik oqý oryndarynda bolyp, sa­pa­ly bilim alýyna da barlyq múmkindik jasalyp keledi. Bir ǵana mysal, jýyrda ýnıversıtettiń «Coworking» ortalyǵynda Polshanyń Lodz ýnı­ver­sıtetinde akademııalyq utqyr­lyq baǵdarlamasy aıasynda bir semestr bilim alyp kelgen stýdenttermen kezdesý ótti. Bilim alýshylar aqparat almasý maqsatynda ýnı­ver­sıtettiń 1-2 kýrs stýdentterine beıne­rolık pen prezentasııa jasap, ózde­riniń áserlerimen bólisti. Olar bos ýaqyttarynda nemese mere­ke­lerde Eýropanyń kóptegen jaqyn ornalasqan elderine barýǵa múm­kin­dik bolǵanyn, ıntellektýaldy jan­darmen kezdeskenderin, tarıhy tereń mádenı murajaılarǵa barǵan­daryn, mádenı-merekelik keshterdi uıymdastyryp, óz elimizdiń salt-dástúri men ádet-ǵurpyn, turmys-tir­shiligin de tanystyrǵanyn jetkizdi. «Lodz ýnıversıtetinde bilimge degen qushtarlyqty oıatatyn, ǵylymǵa degen yntańdy ashatyn professor- oqytýshylar leksııa ótkizdi. Aǵylshyn jáne polıak tilderin meńgerdik, bul biz úshin úlken múmkindik boldy», deıdi 3-kýrs stýdenti Ásel Áýes­han. Ýnıversıtette bul baǵyt­ta­ǵy j­u­mystardy jalǵastyrý jospar­lanǵan.

Shymkent