Májilis depýtaty, «AMANAT» partııasy fraksııasynyń múshesi Maqsat Tolyqbaı «Qazaqstan» Ulttyq arnasyndaǵy «1001 tún» baǵdarlamasynda óńirlerdiń sý tasqynyna daıyndyǵy kóńil kónshitpeıtinin aıtty, dep habarlaıdy Egemen.kz atalǵan partııanyń baspasóz qyzmetine silteme jasap.
Tasqynǵa daıyndyq sharalary óńirlerde tıisti deńgeıde qamtamasyz etilmegendikten sý shaıǵan aýyldardyń turǵyndary baspanasyz qaldy.
«О́kinishtisi keıbir aýdandarda rezervte ne qaıyq, ne rezeńke etik joq. Mınıstrliktiń normatıvi oryndalmaǵan. Sonymen qatar elimizdegi ózekti máseleniń biri – sý salasy mamandarynyń tapshylyǵy. Olar óńirlerde joqtyń qasy desek te bolady. Biz ǵalymdarǵa kóńil bólmeıinshe, bul másele sheshimin tappaıdy. Ár salada óz isiniń mamany bolýy kerek», dedi depýtat.