Sankt-Peterbýrgtegi antropologııa jáne etnografııa mýzeıinde turǵan kóne sáýkeleni HIH ǵasyrdyń ekinshi jartysynda burynǵy Torǵaı oblysy Qostanaı úıezinen shyqqan áıgili Imanbaevtar áýletiniń ókili Hasan Imanbaev aparyp tapsyrǵan.
Salmaǵy anaý-mynaý emes 2,7 kg bolatyn bıik sáýkeleni tigýge barqyt, jibek, shuǵa, kıiz, kámshat terisi paıdalanylyp, altyndatqan oıý-órnekpen ásemdelgen, altyn, kúmis, aqyq, jaýhar syndy neshe túrli asyl taspen árlengen.
Sáýkeleniń anyqtamasynda «Mýzeıge alǵash kelip túsken bas kıimderdiń biri. Qazaq halqynyń dástúrli óneriniń biregeı úlgisi. Asa baı kórkemdigimen erekshelenedi. Qazaq sáýkelesi bir-birine eshqashan uqsamaıdy: syrtqy pishini men dástúrli oıý-órnek qurylymy saqtalǵanymen, ár bas kıimniń bezendirilýinde ózindik erekshelik bar. Qalyńdyq kóbine óz anasy muraǵa bergen sáýkeleni kıedi de, bir jyldan keıin ǵana turmysqa shyqqan áıeldiń bas kıimin kııý quqyna ıe bolady. Osylaısha, áıel zatynyń basyndaǵy sáýkele onyń qyz kezindegi qyzyq dáýreninen qol úzip, endi ana bolýǵa aıaq basqan ótpeli kezeńde júrgenin bildiredi», dep jazylǵan.
Sáýkeleni mýzeıge tapsyrar sátte 600 rýblge baǵalanǵan. Bul sol kezde shamamen 60 attyń qunymen para-par kelgen.
Qostanaı oblysy