Syrtqy ister mınıstrliginde Eýropa Keńesi (EK) men Eýropalyq Odaqtyń (EO) qoldaýymen memlekettik organdar men úkimettik emes uıymdardyń ókilderi úshin «Áıelder quqyǵyn qorǵaý: halyqaralyq jáne eýropalyq tásilder» atty eki kúndik semınar uıymdastyryldy.
Bas prokýratýranyń, ishki ister, ádilet, mádenıet jáne aqparat jáne oqý-aǵartý mınıstrlikteriniń, adam quqyqtaryn qorǵaý salasyndaǵy ÚEU, sondaı-aq birqatar joǵary oqý ornynyń ókilderiniń aldynda Syrtqy ister mınıstriniń orynbasary Roman Vasılenko, Adam quqyqtary jónindegi ýákil Artýr Lastaev, Eýropalyq Odaqtyń Qazaqstandaǵy ókildiginiń basshysy Elshi Kestýtıs Iаnkaýskas jáne Eýropa Keńesiniń Yntymaqtastyq baǵdarlamalary basqarmasynyń jobalar úılestirýshisi Krıstına Hohlova sóz sóıledi.
Roman Vasılenko bıylǵy jyldyń maýsym aıynda Eýropa Keńesiniń Bas hatshysy Marııa Peıchınovıch-Býrıchtiń Astanaǵa sapary, onyń barysynda el basshylyǵymen kezdesýi jáne Astana halyqaralyq forýmynyń jumysyna qatysýy josparlanyp otyrǵanyn habarlady. Forým aıasynda jańa «EK-nyń Qazaqstanmen tatý kórshilik yntymaqtastyǵynyń 2024-2027 jyldarǵa arnalǵan basymdyqtary» resmı túrde iske qosylady. «Biz úsh jyl ótken soń barlyq múddeli taraptyń ortaq maqsaty – adam quqyqtary, demokratııa jáne zań ústemdigin nyǵaıtý jolyndaǵy tabysty ózara is-qımylynyń jemisin kóre alatynymyzǵa senimdimiz», dep málimdedi R.Vasılenko.
Elimizdiń adam quqyqtaryn qorǵaý salasyndaǵy saıasatyna qatysty mınıstr orynbasary Qazaqstan basshylyǵy genderlik teńdikti saqtaýdy jáne áıelder quqyǵyn qorǵaýdy qamtamasyz etýge basty mán beretinin atap ótti. Osy turǵyda 2023 jylǵy jeltoqsanda Prezıdent Qasym-Jomart Toqaev bekitken Adam quqyqtary men zań ústemdigi salasyndaǵy jańa is-qımyl jospary, sondaı-aq Parlamentte qaralyp jatqan áıelder quqyǵy men balalar qaýipsizdigin qamtamasyz etý máseleleri boıynsha zańnamalyq túzetýler jobasy erekshe atalyp ótti.
Adam quqyqtary jónindegi ýákili A.Lastaev elimizde genderlik teńdikke qol jetkizý jáne turmystyq zorlyq-zombylyqqa qarsy is-qımyl baǵytynda júrgizilip jatqan reformalar jóninde jáne osy taqyryp boıynsha arnaıy baıandama ázirlengeni týraly aqparat berip, qordalanǵan problemalardy atap ótti. «О́kinishke qaraı, áıelderge qatysty zorlyq-zombylyq deńgeıi áli de joǵary, bul – genderlik teńdik úshin eleýli kedergi», dep aıtty Ombýdsmen.
О́z kezeginde EO jáne Eýropa Keńesiniń ókilderi semınar taqyrybynyń ózektiligin aıtyp berdi.
«Genderlik teńdik – árbir er adam men áıeldiń qoǵamnyń ekonomıkalyq jáne áleýmettik ómirine ádil úles qosýyna múmkindik. Otbasylyq zorlyq-zombylyqqa jáne áıelder men qyzdarǵa qatysty kúsh qoldanýǵa ádil qoǵamda oryn joq», dedi K. Iаnkaýskas.
Turaqty tájirıbe almasýdyń jáne adam quqyǵy men basqa da salalardaǵy zańnamany jetildirýdiń mańyzdylyǵyna nazar aýdaryp, Q.Hohlova «Eýropa Keńesi ázirlegen Konvensııalar – adam quqyǵyn, demokratııany jáne quqyq ústemdigin qamtamasyz etýdiń halyqaralyq deńgeıde moıyndalǵan negizgi standarttary», dep atap ótti.
Semınar qorytyndysy boıynsha qatysýshylar is-shara áıelder quqyǵyn qorǵaýdy qamtamasyz etý jáne turmystyq zorlyq-zombylyqpen kúres máseleleriniń negizgi aspektileri týraly pikir almasý jáne aqparattandyrýdy arttyrý úshin tıimdi alań usynǵany týraly ortaq pikir bildirdi.