Qasym-Jomart Toqaev Hıýa qalasyna jumys sapary barysynda Prezıdent Shavkat Mırzııoevpen birge О́zbekstan jeńil ónerkásibindegi úlgili kásiporyndardyń biri sanalatyn «HIVA GILAMLARI» kilem toqý fabrıkasyn aralap kórdi, dep habarlaıdy Egemen.kz Aqordanyń baspasóz qyzmetine silteme jasap.
Irgesi 1977 jyly qalanǵan kásiporynǵa jańa ınvestor tolyqtaı rekonstrýksııa jasaǵan. Munda jylyna 4,2 mıllıon sharshy metr kilem toqıtyn tórt seh jumys isteıdi.
Memleketter basshylaryna akrılden ıirilgen jip óndirý sehy, kilem toqý sehtary jáne daıyn kilem úlgileriniń shoý-rýmy kórsetildi.
Kásiporyn dırektory Kamol Abdýllaevtyń aıtýynsha, fabrıka kilemderi ishki naryqqa satylady, sondaı-aq TMD elderine, QHR men AQSh-qa eksportqa shyǵarylady.
Budan keıin prezıdentter О́zbekstan ónerkásip taýarlarynyń kórmesin tamashalady. Pavılondarda arnaýly tehnıka, elektr tehnıkalyq jabdyqtar úlgileri, baý-baqsha sharýashylyǵynyń seleksııalyq jetistikteri, toqyma, hımııa, tamaq, farmasevtıka ónerkásibi ónimderi, jibek, teri jáne zergerlik buıymdar kórmege qoıylǵan.
Prezıdentter shekaralas oblystar aýmaǵynda eksportqa baǵdarlanǵan kásiporyndar klasterin qurýdyń mańyzdy ekenin atap ótti.
Sonymen qatar memleketter basshylary Aral teńiziniń tabanyna sekseýil egip, aımaqtaǵy ekologııalyq ahýaldy jaqsartý úshin birlesken kúsh-jiger jumsaý qajet ekenine nazar aýdardy.