Juma kúni tańerteń AQSh-tyń shyǵys jaǵalaýynda bolǵan 4,8 baldyq jer silkinisiniń dúmpýleri Nıý-Iork pen onyń aınalasynda sezildi. Jerasty dúmpýleriniń oshaǵy Nıý-Djersı shtatyndaǵy Lıvan qalasyna jaqyn jerde, Nıý-Iorkten batysqa qaraı 64 shaqyrymdaı jerde boldy, dep habarlaıdy Egemen.kz BBC-ge silteme jasap.
Amerıkanyń shyǵys jaǵalaýynda jer silkinisi sırek kezdesedi jáne bul Nıý-Iork qalasynda sońǵy onjyldyqtardaǵy eń kúshti jer silkinisi boldy.
Áleýmettik jeli qoldanýshylary jer silkinisi Fıladelfııadan Nıý-Iorkke deıin jáne shyǵys jaǵalaýda Bostonǵa deıin sezilgenin habarlady.
О́tken jyly Býffaloda (Nıý-Iork) 6 aqpanda magnıtýdasy 3,8 baldyq jer silkinisi boldy, biraq bul aımaqta 40 jyl boıy mundaı kúshti jer silkinisi bolmaǵan.
1983 jyly Nıý-Iork shtatynyń ońtústigindegi Nıýkombta 5,1 baldyq jer silkinisi boldy.
Nıý-Iork qalasynyń meri Erık Adams búgingi jer silkinisiniń aýyr zardaptary týraly málimet joq ekenin aıtty.
Jer silkinisi saldarynan Nıý-Iorktiń birneshe áýejaıy jumysyn ýaqytsha toqtatty.
Nıý-Djersıdegi Djon Kennedı halyqaralyq áýejaıy men Nıýark áýejaıynda reıster toqtatyldy. Biraq reıster qazirdiń ózinde qaıta jandandy.
Nıý-Iorktegi LaGýardııa áýejaıynda da keshigýler baıqaldy.
Nıý-Iork gýbernatory Ketı Hochýl jer silkinisiniń aýyrlyǵyna toqtaldy, biraq «ómirge qaýip tóndiretin jaǵdaıdyń» anyqtalmaǵanyn jáne onyń komandasy shtattyń ınfraqurylymyn tekserip jatqanyn aıtty.