M. Ábdihalyqov atyndaǵy mektep-gımnazııasynyń 4-synyp oqýshysy Nurasyl Igilikuly jurttyń rızashlyǵyna bólenip, úlkenderdiń batasyn aldy. Elimizdegi sý tasqyny bastaýysh synyp oqýshysyn da kúrsindirdi. Sebebi, qarǵyn sýdan tek eresekter ǵana emes, ózimen jasty balalar da zardap shegip jatyr. Mańǵystaý oblysy Aqshuqyr aýylynan Qulsaryǵa attanatyn kómek týraly estigen Nurasyl arnaıy jınap júrgen qarajatyn muqtaj jandarǵa berip jiberdi, dep habarlaıdy Egemen.kz.
Balaqaı tasqyn sýdan zardap shekken halyqqa arnaıy qutyda jınaǵan tıyn-tebenin jiberdi. Az da bolsa kópteı kórgen halyq Nurasylǵa alǵysyn jaýdyryp jatyr.
«Qulsarydaǵy aǵalaryma, baýyrlaryma osy tıyndy bergim kelip otyr. Qobdıshaǵa jınap júrgen tıynym edi. Endi ony sizderge tabystaımyn, baýyrlaryma jetkizip berseńizder deımin», dedi Nurasyl Igilikuly óziniń vıdeoúndeýinde.
Jeli qoldanýshylary balanyń bul isin maqtap, «elim degen júregińnen aınalaıyn», «órkeniń óssin!», «jaraısyń!», «aman júr, ózińe eselenip qaıtsyn!» degen sarynda jyly lebizin bildirip jatyr.