Ánshi Dımash Qudaıbergen týǵan jeri Aqtóbege bardy, dep habarlaıdy Egemen.kz.
Ol saıajaı aýmaǵynda turatyn, biraq qazir baspanasyn tastap 40 mektepte ýaqytsha turyp jatqan turǵyndarmen kezdesti. Osylaısha, qıyn sátte jerlesterimen birge ekenin jetkizip, qaıyrymdylyq qoryna qarjy aýdardy.
Kazinform jazǵandaı, elimizde sý tasqyny bastalǵan kezde halyqty sabyrǵa shaqyryp, óziniń qaı sátte de qoldaýǵa ázir ekenin jetkizgen ánshi Dımash Qudaıbergen búgin Aqtóbe oblysyna bardy. Ol aldymen baspanasyna sý kirgen qamkóńil jerlesterine demeý bolyp, olardyń janynan tabyldy.
Jyly sózin arnap, Memleket basshysy Qasym-Jomart Toqaevtyń tapsyrmasy negizinde eldegi atqarylyp jatqan isterge toqtaldy.
«Bala kezden bastap tileýimdi tilep, bıikke qanat qaǵyp, qalyqtap júrsin degen tilek tilep júrgen jerlesterimniń qal-jaǵdaıyn bilmeı kete almadym. Jańalyqtardan memleket tarapynan aýqymdy somada kómek berilip jatyr degendi oqyp jatyrmyn. Eń bastysy, elimiz aman bolsyn, jurtymyz tynysh bolsyn», – dedi ánshi.
О́zi de ıgi isten shet qalmaı, týǵan jerine sapary barysynda qaıyrymdylyq qorǵa aqsha aýdardy.