Segiz myńǵa jýyq adam úıine oraldy

Úkimet basshysy vıse-premer bastaǵan áleýmettik blok mı­nıstrlikterine tótenshe jaǵ­daıǵa tap bolǵan turǵyndarǵa jan-jaqty qoldaý kórsetýdi tapsyrdy.

Ýaqytsha baspanamen qam­ta­­masyz etý. «Sý tasqyny bas­tal­ǵannan beri 86 myń turǵyn qaýipsiz jerge kóshirildi. Qazirgi tańda ýaqytsha ornalastyrý pýnktterinde 8 472 adam turyp jatyr. Evakýasııalaý – ýaqytsha shara. Úıleri turýǵa jaramsyz dep tanylǵan otbasylardyń barlyǵyn ýaqytsha baspanamen qamtý qajet», dep atap ótti O.Bektenov.

Sonymen qatar qonys aýdarǵan­ǵa deıin evakýasııalaý pýnktteriniń jumysyn qoldaýǵa erekshe kóńil bólý tapsyryldy. Ákimdikter tur­ǵyndardy sapaly azyq-túlik­pen, tıisti sanıtarlyq-gıgıenalyq qural­darmen, qoljetimdi me­dı­sınalyq qyzmettermen qamta­masyz etýi kerek.

О́z kezeginde, evakýasııalaý pýnktterinen ýaqytsha turýǵa qonystandyrý úderisi ıkemdi bolýy kerek. Eger sý tasqyny bolyp ótken óńirlerde turǵyndar úı­lerin­de qalýdy qalasa, ákimdik­ter tıisti kómek kórsetýi qajet. Sonymen birge, urlyq-qarlyqqa jol bermeý úshin qaraýsyz qalǵan úıler Ishki ister mınıstrliginiń baqylaýynda bolady.

Bilim berý. «Qazirgi ýaqytta elimizdiń on óńirinde TJ rejimi jarııalanǵan. 130-dan astam mektep qashyqtan oqytý formatyna kóshirildi, biraq evakýasııa aımaqtaryndaǵy balalardyń oqý úderisi úzilip qaldy. Bilim mınıstrligine mektep oqýshy­laryn aǵymdaǵy emtıhandar men synaqtardan bosatýdy tapsyramyn. Sonymen qatar olarǵa joǵaltqan ýaqyttarynyń ornyn toltyrýǵa ári qaraı da kómektesý qajet» dep atap ótti Premer-mınıstr.

Sondaı-aq sý tasqynynyń belsendi kezeńi aıaqtalǵannan keıin apatty aımaqtardaǵy muǵalimder men oqýshylardy tehnıkalyq quraldarmen qamtamasyz etý máselesin pysyqtaý tapsyryldy.

Densaýlyq saqtaý. «Biz TJ rejimindegi óńirlerdiń keıbir turǵyndary epıdemıologııalyq jaǵdaıǵa alańdaıtynyn, zardap shekken halyq arasynda juq­paly aýrýlardyń órshýi­nen qaýiptenetinin kórip otyr­myz. Densaýlyq saqtaý mınıstr­ligine máseleni erekshe baqy­laý­da ustap, turǵyndardy aqparat­tan­dyrýdy tapsyramyn. О́ńir­ler­de sý tasqyny jaǵdaıy turaq­tal­ǵannan keıin aýmaqtardy tazartý jáne dezınfeksııalyq is-shara­lar júrgizý, sý qubyry júıe­leri men qurylystaryn, ortalyq­tandyrylmaǵan sýmen jabdyqtaý júıelerin tazartý jáne dezınfeksııalaý boıynsha keshendi sharalar júrgizý qajet. Ákimdikterge sý jetkizý jumystaryn uıymdastyrý boıynsha tapsyrmalar berildi», dedi Úkimet basshysy.

Epızootııalyq jaǵdaı. Sý bas­qan aımaqtardaǵy epızootııa­lyq jaǵdaıdyń nasharlaýyna jol ber­meý maqsatynda Aýyl sha­rýa­­shylyǵy mınıstrligi men Respýb­lı­kalyq epızootııaǵa qarsy jasaq­qa oblys ákimdikterimen birlesip, janýarlardyń óleksesin jınaý men joıýdy jedel aıaqtaý tapsyryldy. Joıý sharalaryn júrgizý úshin tıisti jabdyqtar, qyzmetkerler jáne qajetti dezınfeksııalyq quraldar qarastyrylǵan.

Infraqurylymdy qalpyna keltirý. «Úılerdiń qurylysy bo­ıynsha jeke turǵyn úıdiń úlgi­lik jobasy ázirlenip jatyr. Sonymen qatar áleýmettik ınfraqurylym nysandaryn, atap aıtqanda mektepter men balabaqshalar, aýrýhanalar men emhanalardy jóndeý­ge basymdyq berý mańyzdy. Qury­lys jumystarynyń sapasyn qa­tań baqylaýda ustaý kerek», dedi O.Bektenov.

«Pármendi tetikti pysyqtap, ony barlyq óńirge jetkizýdi tapsyramyn. Ekiushty túsindirý­ler bolmaýy kerek. Qoǵam ókil­derin úderiske tartýdyń arqasynda aqshaǵa baqylaý kúsheıtiletin bolady», dep túıindedi Premer-mınıstr.